‘परिवर्तनलाई नयाँ शक्ति आवश्यकता’

‘परिवर्तनलाई नयाँ शक्ति आवश्यकता’
सर्लाही समाचारदाता
लालबन्दी, कात्तिक ११ । संघीय गणतान्त्रिक समाजवादी पार्टी नेपालका राष्ट्रिय अध्यक्ष परशुराम तामाङले मुलुकमा भएका परिवर्तन संस्थागत गर्नका लागि नयाँ शक्तिहरुको आवश्यकता रहेको बताएका छन् ।
एकिकृत नेकपा माओवादी, नेपाली कांग्रेस, नेकपा एमाले, मधेशवादी दलहरु जस्ता पुराना शक्तिहरुबाट मुलुकमा भएका परिवर्तनहरु संस्थागत हुन नसक्ने तामाङको दावी थियो । ‘‘गणतन्त्र, समानुपाति–समावेशी प्रणाली, धर्मनिरपेक्षता लगायत परिवर्तनहरु संस्थागत गर्न पनि नयाँ शक्तिहरुको आवश्यकता छ।’’सोमबार सर्लाही दैनिकसँग कुरा गर्दै अध्यक्ष तामाङले दावी गरे–‘‘उत्पीडित जातजाती र श्रमजीविहरुलाई समेट्दै हामी मुलुकको स्थिती समृद्ध पार्नेछौं ।’’
एकात्मक शासन प्रणालीको अन्त्य गर्दै जातिय र ऐतिहाँसिक आधारमा ९ वटा प्रान्त निर्माण गर्ने आÇनो पार्टीको धारणा रहेको तामाङले बताए । उत्पीडित वर्ग एवं श्रमिकहरुको हकहित सहित मुलुकको आमूल परिवर्तनका लागि स्थापना भएको आÇनो पार्टीले मुलुकभरका ४३ वटा जिल्लामा प्रत्यक्षतर्फ उम्मेद्वारी दिएको र समानुपातिक समेत जम्मा १६६ जना उम्मेद्वारहरु रहेको तामाङले बताए । तामाङ घेदुङका पूर्व राष्ट्रिय अध्यक्ष समेत रहेका तामाङले सर्लाहीबाट प्रत्यक्षतर्फ पार्टीका उम्मेद्वारहरुलाई सहयोग गर्न समेत अपिल गरे ।