न्यायधिसद्वारा मतदान केन्द्र निरीक्षण

न्यायधिसद्वारा मतदान केन्द्र निरीक्षण
सर्लाही समाचारदाता
मलंगवा, कात्तिक ०८ । जिल्ला न्यायाधिश एवं मुख्य निर्वाचन अधिकृत कृष्ण कमल अधिकारी नेतृत्वको टोलीले शुक्रबार क्षेत्र नं. १ का विभिन्न मतदान केन्द्रहरुको निरीक्षण गरेको छ ।
भौतिक पूर्वाधारको स्थिती, सुरक्षा अवस्थाका लागि अपनाउनुपर्ने रणनीति लगायत अवस्थाका बारेमा जानकारी लिन क्षेत्र नं. १ का विभिन्न मतदान केन्द्रहरुको स्थलगत अवलोकन एवं निरीक्षण गरिएको प्रमुख जिल्ला अधिकारी दिनेशकुमार घिमिरेले बताए । टोलीमा प्रजिअ घिमिरे सहित प्रहरी उपरीक्षक रविन्द्रबहादुर धानुक, सशस्त्र प्रहरी उपरीक्षक हृदयनारायण मण्डल, राष्ट्रिय अनुसन्धानका प्रहरी नायव उपरीक्षक माधव खतिवडा लगायतको पनि सहभागिता रहेको थियो ।
क्षेत्र नं. १ अन्तर्गतका पत्थरकोट लगायत पूर्व–पश्चिम राजमार्ग उत्तरका केही गाविसमा रहेका मतदान केन्द्रहरुको भने निरीक्षण गर्न बाँकी रहेको प्रजिअ घिमिरेले बताए । ५१ हजार दुईसय ६९ मतदाता संख्या रहेको क्षेत्र नं. १ मा ५० स्थानमा ७८ वटा मतदान केन्द्रहरु रहेका छन् ।