सामाजिक परिचालन तालिम सम्पन्न

सामाजिक परिचालन तालिम सम्पन्न
सर्लाही समाचारदाता
चन्द्रनिगाहपुर, कात्तिक ०९ । संयुक्त राष्ट्र संघीय विकास कार्यक्रा (यूएनडिपी) को सहयोगमा सञ्चालित शान्तिका लागि जीविकोपार्जन कार्यक्रम अन्तर्गतका सामाजिक परिचालकहरुको तालिम सम्पन्न भएको छ ।
रौतहटको चन्द्रनिगाहपुरमा सम्पन्न पाँच दिवसीय तालिममा सर्लाहीका विभिन्न ३२ वटा गाविसमा सञ्चालन भईरहको जीविकोपार्जन कार्यक्रम अन्तर्गतका ३२ जना सामाजिक परिचालक सहभागि रहेका थिए । युएनडीपिको सहयोगमा सर्लाहीका विभिन्न ३२ वटा गाविसमा कार्यक्रम सञ्चालन गरिरहेको ग्रामीण विकास संस्था हरिवन–६, नयारोडका अध्यक्ष गजेन्द्र साहका अनुसार कार्यक्रम संयोजक रमा पौडेल र अधिकृत नरेन्द्र झाले समेत तालिम लिएका थिए । कार्यक्रममा यूएनडीपिका सामाजिक परिचालन विशेषज्ञ देवेन्द्र यादव र रौतहट जिल्ला संयोजक जफिर अन्सारीले सहजिकरण गरेका थिए ।