विद्यार्थीलाई कपडा र पुस्तक

विद्यार्थीलाई कपडा र पुस्तक
सर्लाही समाचारदाता
घुर्काैली, माघ १२ । घुर्कौली–४ स्थित जनसेवा माविका विद्यार्थीहरुलाई आइतबार न्यानो कपडा र पुस्तक वितरण गरिएको छ ।
सासापुर निवासी गायक हेमन्त मोक्तान प्रमुख रहेको मानव जीवन संरक्षण मञ्चले विधार्थीहरुलाई कपडा र पुस्तक वितरण गरेको हो । विद्यालय व्यवस्थापन समितिका अध्यक्ष हर्क बहादुर पाख्रिनको उपस्थितीमा विद्यार्थीहरुलाई सो सामाग्री वितरण गरिएको थियो  ।
चिसो प्रभावित ४० जना विद्यार्थीलाई कपडा र विद्यालयमा पुस्तकालय सञ्चालन गर्नका लागी पुस्तकहरु वितरण गरिएको मञ्चले जनाएको छ । यस अघि पनि मानव संरक्षण मञ्चले सर्लाहीको विभिन्न ठाउँमा असहाय तथा अशक्तहरुलाई सहयोग गर्दै आएको थियो ।