किर्ते नागरिकतामा जेल

किर्ते नागरिकतामा जेल
सर्लाही समाचारदाता
मलंगवा, फागुन १४ । झुठो विवरणबाट नेपाली नागरिकता प्रमाणपत्र लिएको भन्दै रामवन गाविस–२ का महेश्वर साहलाई जिल्ला अदालतले कैद सजाय सुनाएको छ ।
स्थानीय अशोककुमार गुप्ताको उजुरीका आधारमा जिल्ला प्रहरी कार्यालयले दायर गरेको मुद्धाका आधारमा जिल्ला अदालतले साहलाई १ वर्ष कैद सजाय सुनाएको हो । झुठो विवरण दिएर नेपाली नागरिकता प्रमाणपत्र लिएको भन्दै साहलाई अदालतले एकवर्षको कैद सजाय सुनाएको प्रहरीले जनाएको छ । ०६२÷०६३ सालको जनआन्दोलनपछि आएको टोली तथा त्यसपछि सर्लाहीमा अधिकांशले किर्ते नागरिकता बनाएको जानकारहरु बताउँछन् ।