आईटीएफ तेक्वान्दो सम्पन्न

आईटीएफ तेक्वान्दो सम्पन्न
सर्लाही समाचारदाता
ईश्वरपुर, फागुन १३ ।  ईश्वरपुर २ मा रहेको नारायण उमावीको खेल मैदानमा मंगलवार जिल्ला स्तरीय आईटीएफ तेक्वान्दो प्रतियोगिता सम्पन्न भएको छ । जिल्ला खेलकुद विकास समितिको आयोजनामा भएको प्रतियोगितामा १२ डोजाङ्का ६२ जना खेलाडीहरुको सहभागिता रहेको थियो ।
प्रतियोगितामा विभिन्न तौल केजी अन्तर्गत प्रतिस्पर्धा सम्पन्न भएको थियो । प्रतिस्पर्धामा ३१ देखि ३५ केजी सम्म भक्तिपुरका प्रभाद कार्की, ३६ देखि ४० केजी सम्ममा जब्दीका अरुण बोहोरा, ४६ देखि ५० केजी सम्ममा भक्तिपुरका किरण कार्की, ४१ देखि ४५ केजी सम्ममा रानीगंजका विकल विक,  ५१ देखि ५५ केजी सम्ममा भक्तिपुरका किरण रसाईली, ५६ देखि ६० केजी सम्ममा रानीगंजका सुर्य बोम्जन र ६६ देखि ७० केजी सम्ममा जब्दीका मणिराज राई प्रथम भएका  आईटिएफ तेक्वान्दो संघका जिल्ला अध्यक्ष प्रभुनारायण सिवाकोटी (श्याम)ले जानकारी दिए ।
नवलपुर स्थित नेपाली सेना रिपुमर्दण गणका गणपती मनोज वैदवारद्धारा उद्घाटन गरिएको प्रतियोगितामा जिल्ला खेलकुद विकाससमितिका जिल्ला अध्यक्ष गणेश थापा, गाविस सचिव मदनबहादुर थिङ् , ईलाका प्रहरी कार्यालय केशरगंजका प्रहरी निरीक्षक यज्ञप्रसाद भट्राई , ईलाका स्वास्थ्य ईश्वरपुरका ईन्चार्ज सुर्य नारायण चौधरी, पे्रस चौतारी सर्लाही जिल्ला अध्यक्ष ईन्द्र न्यौपाने लगायतको सहभागिता रहेको थियो । प्रतियोगिताका बिजेताहरुलाई प्रमुख अतिथि तथा     अथितिद्धारा प्रमाण पत्र प्रदान गरिएको थियो ।