गजलकार सहित साहित्यिक भेला सम्पन्न

गजलकार सहित साहित्यिक भेला सम्पन्न
सर्लाही समाचारदाता
कर्मैया, फागुन ०७ । ठुलो गजलकृति कैफियतको परिचर्चा कार्यक्रम बुधबार कर्मैयामा रहेको महेन्द्र जनता उमाविमा सम्पन्न भएको छ ।
महेन्द्र जनता उमावीका प्रधानाध्यापक महेश कुमार शर्माको सभापतित्व एवं गजलका माली वरिष्ठ गजलकार ज्ञानुवाकर पौडेलको प्रमुख आतिथ्यतामा कार्यक्रम भएको थियो । कार्यक्रममा सर्लाही, रौतहट, सिन्धुली र महोत्तरीका ७० भन्दा बढी सर्जकहरुले आ–आफ्ना गजल बाचन गरेका थिए ।
कार्यक्रममा बोल्ने क्रममा गजलका माली एवं कार्यक्रमका प्रमुख अतिथी ज्ञानुवाकर पौडेलले नेपाली गजल पछिल्लो समय परिष्कृत बन्दै अगाडी बढिरहेकाले आफु अत्यन्तै खुसी भएको बताएका छन् । कार्यक्रममा युवा कवि तथा गजलकार बाबु त्रिपाठी, पुरु लम्साल, मनोज न्यौपाने, मायामितु न्यौपाने, प्रोल्लास सिन्धुलीयन, गजलकार रमेश समर्थन, हरिकृष्ण काफ्ले लगायत २०० भन्दा बढी साहित्य अनुरागीहरुको उपस्थिति रहेको आयोजकले जनाएको छ ।