विद्युत आपूर्तिको माग गर्दै ज्ञापन

सर्लाही समाचारदाता
हरिवन, चैत २१ । नियमित विद्युत आपूर्तिको माग गर्दै शुक्रवार ईलाका प्रशासन कार्यालय हरिवनमा ज्ञापन पत्र बुझाईएको छ । उद्योग वाणिज्य संघ हरिवनले नियमित विद्युत आपूर्ति र थप लोडसेडिङ् हटाउनु पर्ने माग गर्दै ज्ञापन पत्र बुझाएको हो ।
चैत २३ गते भित्रमा आफुहरुको माग पुरा नभएमा संघर्षको कार्यक्रम तय गरिएको संघ शाखाका अध्यक्ष रामभक्त प्रधानले बताए । २४ गतेदेखि संघर्षको कार्यक्रम अन्तर्गत पसल व्यवसाय बन्द गरेर बिहान ८ बजेदेखि ९ बजेसम्म यातायात ठप्प पारिने प्रधानले जानकारी दिए ।