चोरी पैठारी विरुद्ध गस्ती बढाइने

सर्लाही समाचारदाता
मलंगवा, चैत २० । स्थानीय राजश्व चुहावट नियन्त्रण समितिको बैठकले जिल्लामा हुने चोरी पैठारी रोक्नका लागि सुरक्षाकर्मी सहित सरोकारवाला निकायको गस्ती बढाउने निर्णय गरेको छ ।
विहिबार प्रमुख जिल्ला अधिकारी दिनेशकुमार घिमिरेको अध्यक्षतामा बसेको बैठकले खुला सिमानाका कारण हुने चोरी पैठारी रोक्न गस्ती बढाउने निर्णय गरेको हो । भन्सार कार्यालय लगायत राजश्व संकलन गर्ने विभिन्न निकायहरुमा लक्ष्य अनुरुप राजश्व संकलन भय नभएको बारेमा अध्ययन गर्ने र राजश्व संकलन प्रभावकारी बनाउन पहल गर्ने समेत बैठकले निर्णय गरेको छ । बैठकमा जिल्ला प्रहरी कार्यालयका प्रमुख प्रहरी उपरीक्षक रविन्द्रबहादुर धानुक, सशस्त्र प्रहरी उपरीक्षक हृदयनारायण मण्डल, भन्सार प्रमुख टिकाराम भुषाल लगायतको सहभागिता रहेको थियो ।