परीक्षाकेन्द्रको विषयमा विरोध

सर्लाही समाचारदाता
मलंगवा, चैत १६ । सदरमुकाम मलंगवमा रहेको सर्लाही क्याम्पसले मनोमानी परीक्षा केन्द्र तोकेको भन्दै मलंगवामा नै रहेको अर्को क्याम्पसले विरोध जनाएको छ । सर्लाही क्याम्पसले त्रिभुवन विश्व विद्यालयबाट मन्यता प्राप्त नभएको विद्यालयमा परीक्षा तोकेको भन्दै पदम रत्न विद्या मन्दिर क्याम्पसले विरोध जनाएको हो । त्रिवीबाट मान्यता प्राप्त नभएको क्याम्पसमा सर्लाही क्याम्पसको परीक्षा केन्द्र कायम गरिएको भन्दै पदम रत्नले जिल्ला प्रशासन क्याम्पसमा ज्ञापन पत्र समेत बुझाएको छ । गत वर्ष देखि स्नातक तहको परीक्षामा ‘होम’ सेन्टर खारेज गरिएकाले सर्लाही क्याम्पसको परिक्षा केन्द्र मान्यता प्राप्त पदम रत्न कलेजमा नदिएर मलंगवाकै मोडर्न साइन्स कलेजमा राखेको भन्दै पदम रत्नका प्राचार्य पुष्प रंजितकारले प्रेस विज्ञप्ती जारी गरी विरोध गरेका थिए । रंजितकारद्धारा जारी गरिएको विज्ञप्तीमा त्रिविद्धारा मन्यता प्राप्त आफ्नो कलेज अथवा लालबन्दीमा रहेको जनज्योति क्याम्पसमा केन्दै सार्नमाग गरिएको छ ।