ठक्करबाट वृद्धको मृत्यु

सर्लाही समाचारदाता
हरिवन, चैत १५ । पूर्व–पश्चिम राजमार्ग स्थित हरिवनको बाँसाटोलमा शनिबार मोटरसाइकलले ठक्कर दिँदा एक वृद्धको मृत्यु भएको छ ।
पश्चिमबाट पूर्वतर्फ जाँदै गरेको ना. २७ प ५८५७ नम्बरको मोटरसाइकलले विहान पौने ११ बजे ठक्कर दिँदा हरिवन गाविस–९ निवासी वीरबहादुर घिसिङको मृत्यु भएको हो । हरिवन गाविस–९ स्थित बाँसाटोल नजिक पूर्व–पश्चिम राजमार्गमा गुडिरहेको मोटरसाइकलको ठक्करबाट घाइते ८० वर्षिय घिसिङको स्थानीय नमूना अस्पतालमा उपचार गर्दागर्दै मृत्यु भएको इलाका प्रहरी कार्यालय हरिवनले जनाएको छ । ठक्कर दिने मोटरसाइकल र चालक सर्लाहीकै गौरिशंकर गाविस–५ का विरेन्द्र चौधरीलाई नियन्त्रणमा लिइएको समेत प्रहरीले जनाएको छ ।