पन्ध्रसय चल्ला बरामद
सर्लाही समाचारदाता
मलंगवा, चैत ११ । सशस्त्र प्रहरी बल संग्रामपुर बेस क्याम्पले मंगलबार साँझ भारतबाट आयात भईरहेको एकहजार पाँचसय ब्रोइलर कुखुराका चल्ला बरामद् गरेको छ ।
संग्रामपुर नाकाबाट नेपालतर्फ भित्रिरहेको अवस्थामा उक्त चल्ला बरामद् भएको सशस्त्र प्रहरी उपरीक्षक हृदयनारायण मण्डलले बताए । सप्रअ मण्डलका अनुसार सशस्त्र प्रहरी निरीक्षक जनक उपाध्याय नेतृत्वको टोलीले उक्त चल्ला बरामद् गरेको हो ।
टाउकामा चल्लाका कार्टुन राखेर भारतबाट नेपाल भित्र्याईरहेको अवस्थामा सशस्त्र प्रहरीको टोली पुगेपछि चल्ला बोक्नेहरु भने भागेको बताइएको छ । बरामद् चल्ला मंगलबार साँझ नै पशु क्वारेन्टाइन चेक पोष्टको जिम्मा लगाइएको र नष्ट गरिएको सशस्त्र प्रहरीले जनायो ।
No comments:
Post a Comment