गौरीशंकरको प्रथम सम्मेलन

गौरीशंकरको प्रथम सम्मेलन
सर्लाही समाचारदाता
गौरीशंकर, फागुन १६ ।  गौरीशंकर गाविसलाई खुल्ला दिशामुक्त घोषणा गर्नका लागी सरसफाई सम्वन्धी प्रथम गाउँ सम्मेलन शुक्रवार सम्पन्न भएको छ ।
सम्मेलनले आगामी चैत्र मसान्त भित्रमा गाविसका सम्पूर्ण कर्मचारीहरुले घरमा शौचालय निमार्ण गरिसक्नु पर्ने निर्णय गरेको गाविस सचिव रामप्रिय साहले जानकारी दिए ।
विभिन्न संघ सस्थाहरुले पनि ०७१ असार मसान्त भित्रमा शौचालय निमार्ण गरिसक्नु पर्ने निर्णय भएको साहले जानकारी दिए । खानेपानी तथा सरसफाई डिभिजन कार्यालय मलंगवाका ईन्जिनियर शिवशंकर रौनियारको प्रमुख आतिथ्यतामा सम्मेलन सम्पन्न भएको थियो ।
सर्लाहीलाई २०७२ साल सम्ममा खुल्ला दिशामुक्त घोषणा गर्नका लागी ९९ गासिमा नै सरसफाई सम्मेलन गर्ने क्रम जारी रहेको छ । साथै शौचालय निमार्ण गर्न नसक्ने अत्यन्त विपन्न परिवारमा गाविस, खानेपानी तथा सरसफाई डिभिजन कार्यालय र जिविसको सहयोगमा शौचालय निमार्ण गर्न सहयोग गरिने बताईएको छ ।