वैदेशिक रोजगारमा संचारकर्मीको समूह

वैदेशिक रोजगारमा संचारकर्मीको समूह
सर्लाही समाचारदाता
लालबन्दी, फागुन १६ । वैदेशिक रोजगार सम्बन्धि विषय वस्तुलाई पत्रकारिताको माध्यमबाट सशक्त ढंगले उठाउने उद्देश्यले सर्लाहीमा सञ्चारकर्मीहरुको एक समूह गठन गरिएको छ ।
वैदेशिक रोजगारका विषयमा बुधवारदेखि लालबन्दीमा सञ्चालित पत्रकारिता तालिमको शुक्रबार समापन गर्दै सेफर माइग्रेसन रिपोर्टर्स ग्रुप गठन गरिएको हो । हरिवनमा रहेको सहयोगी समाज नेपालका दिपेश बरालको संयोजकत्वमा ग्रुप गठन गरिएको सदस्य आकाश उप्रेतीले जानकारी दिए । ग्रुपमा सर्लाही सहित महोत्तरी, सिन्धुली र रौतहटका सञ्चारकर्मी पनि सदस्य रहेका छन् । सहयोगी समाज तथा सुरक्षित आप्रवासन सूचना केन्द्र र सामी हेल्भेटास संस्थाले संयुक्त रुपमा आयोजना गरेका तालिममा काठमाडौंबाट आएका कान्तिपुर दैनिकका दिनेश रेग्मी र सञ्चारकर्मी रजनिश भण्डारीले प्रशिक्षण दिएका थिए ।