सडक दुर्घटनामा दुईजनाको मृत्यु

सडक दुर्घटनामा दुईजनाको मृत्यु
सर्लाही समाचारदाता
नवलपुर, पुस १२ । पूर्व–पश्चिम राजमार्ग अन्तर्गत नवलपुरमा शुक्रबार भएको सडक दुर्घटनामा दुईजनाको मृत्यु भएको छ ।
दुर्घटनामा ललितपुर जिल्ला लामटार गाविस निवासी मन्तुराम तामाङ र हरिवन गाविस–९ निवासी लालु गोलेको मृत्यु भएको हो । मन्तुरामको घटनास्थलमै र गोलेको उपचारका क्रममा भरतपुर अस्पतालमा मृत्यु भएको हो ।
हाल हरिवन गाविस–९ मा डेरा गरी बस्ने मन्तुरामले मोटरसाइकल चलाएर आएको देखिएको प्रारम्भिक अनुसन्धानबाट खुलेको प्रहरीले जनाएको छ । दुवैजना अत्याधिक मदिरा सेवन गरेर लालबन्दीबाट हरिवनतर्फ आएको बताईएको छ । मोटरसाईकल अत्याधिक तिव्रगतिमा रहेकाले दुर्घटना भएको प्रहरीको प्रारम्भिक अनुसन्धानबाट खुलेको छ ।
दुईजना श्रीमतिलाई एउटै डेरामा राखेर जिविका चलाउँदै आएका मन्तुरामलाई लालु गोलेले शुक्रबार विहानै सिन्धुलीको क्यानेश्वर गाविसतर्फ लिएर गएका थिए । प्रहरीका अनुसार गोलेकी श्रीमति पोईल गएकाले खोज्दै जाने क्रममा उनीहरु क्यानेश्वर पुगेका थिए ।
क्यानेश्वरबाट फर्कने क्रममा उनीहरुको मोटरसाईकल दुर्घटनामा परेको थियो । अपरान्ह पौने ४ बजेतिर नेपाली सेनाको रिपुपर्दन गणदेखि केही पूर्वको लच्कामा उनीहरु चढेको मोटरसाईकल लडेको अवस्थाम फेला परेको थियो ।
दुर्घटना भईसकेपछि दुवैजनालाई सडक किनारमा सडक..........
रक्ताम्मे भएर लडिरहेको अवस्थामा देखेपछि स्थानीय प्रत्यक्षदर्शीले प्रहरीलाई खबर गरेका थिए । खबर पाएलगतै प्रहरी र स्थानीय बासिन्दाको टोलीले दुवैजनालाई उपचारका लागि स्थानीय नमूना अस्पतालमा पठाएको थियो । अस्पतालमा पु¥याउने वितिकै मन्तुरामलाई चिकित्सकले मृत घोषणा गरेका थिए भने गम्भिर घाईते लालु गोलेलाई थप उपचारका लागि भरतपुरतर्फ लगिएको थियो । भरतपुर अस्पताल पु¥याएर उपचार थालेको १५ मिनेटपछि लालुको पनि मृत्यु भएको प्रहरीले जनाएको छ ।
उनीहरु चढेको भनिएको ना. १७ प ४४३५ नम्बरको मोटरसाईकलको अगाडीको चक्का पूर्ण रुपले ध्वस्त अवस्थामा रहेको छ । प्रहरी नायव उपरीक्षक सन्तोष भट्टराईले अचम्म खालको दुर्घटना भएको देखिएको बताए । मोटरसाईकलले राजमार्गको लच्का स्थित दक्षिणी भागका तीनवटा पिलर भाँचेको छ ।
मोटरसाईकल अनियन्त्रित भई पछारिएको र सोही मोटरसाईकलले पिलर भाँचेको प्रारम्भिक अनुसन्धानका क्रममा देखिएको प्रहरीले बताएको छ । एकजनाको घटनास्थलमै मृत्यु भएकाले र तत्काल घाईते अवस्थामा फेला परेका अर्का एकजनाले पनि विस्तृतमा नबताएकाले घटनाबारे एकिन हुन सकेको छैन । प्रत्यक्षदर्शी समेत कोही नभेटिएकाले घटनाबारे एकिन हुन नसकिएको हो ।
घटनामा घाईते अवस्थामा फेला परेका लालुले कहिले आफू पैदल यात्री रहेको त कहिले मोटरसाईलकको पछाडी बसेको बताएकाले प्रहरी दुर्घटनाबारे अन्यौल देखिएको छ । घटनाबारे विस्तृतमा अनुसन्धान भईरहेको प्रहरीले जनाएको छ ।