होस् गर्नोस्, ‘मर्निङ वाक’...
सर्लाही समाचारदाता
लालबन्दी, पुस १३ । पूर्व–पश्चिम राजमार्गमा ‘मर्निङ वाक’ (विहान दौडने) गर्दै गरेका लालबन्दीका एक सर्वसाधारणको सवारी साधनको ठक्करबाट मृत्यु भएको छ ।
शनिबार बिहान लालबन्दी गाविस–१ का ४५ वर्षिय सहदेव आचार्यको ट्रकको ठक्करबाट मृत्यु भएको हो । लालबन्दीबाट पुर्वतर्फ ‘मर्निङ वाक’ मा निस्केका अचार्यलाई पुर्वबाट पश्चिम तर्फ आउँदै गरेको ना. ३ ख ४५५२ नम्बरको ट्रकले कालिन्जोर पुलमा ठक्कर दिँदा उनको घटनास्थलमै मृत्यु भएको हो ।
आचार्यलाई ठक्कर दिनेवितिकै फरार रहेको ट्रक र चालकलाई हरिवनमा पक्राउ गरीएको प्रहरीले जनाएको छ । ‘मर्निङ वाक’ का क्रममा लालबन्दीबाट पूर्वतर्फ जाँदै गरेका आचार्यलाई विहान साँढे ५ बजे ट्रकले ठक्कर दिएको थियो । ठक्कर दिनेवितिकै फरार रहेको ट्रकलाई हरिवनमा प्रहरीले नियन्त्रणमा लिएको थियो ।
अत्याधिक हुस्सुका कारण दुर्घटना भएको हुनसक्ने जिल्ला ट्राफिक प्रहरी कार्यालय नवलपुरले जनाएको छ । जाडो बढेसँगै हुस्सुको मात्रा समेत बढेकाले जिल्ला ट्राफिक प्रहरी कार्यालयले आम सर्वसाधारणलाई ‘मर्निङ वाक’ लगायत कार्यमा ध्यान दिन आग्रह गरेको छ । बाक्लो हुस्सु लागेको अवस्थामा शारिरिक स्वास्थ्यलाई मजबुत बनाउनका लागि मर्निङ वाक गर्दै गरेका आचार्यको सवारी साधनको ठक्करबाट ज्यान नै गएपछि आमसर्वसाधारणले त्यसबाट शिक्षा लिनुपर्ने देखिएको छ ।
No comments:
Post a Comment