एडिएसएल सेवा अवरुद्ध

एडिएसएल सेवा अवरुद्ध
सर्लाही समाचारदाता
मलंगवा, पुस ११ । नेपाल टेलिकमको इन्टरनेट सेवा एडिएसएल अवरुद्ध हुँदा विहिबार दिनभर सेवाग्राही मर्कामा परेका छन् ।
विहिबार विहानैदेखि अवरुद्ध बनेको एडिएसएल इन्टरनेट सेवा साँझ पाँचबजेदेखि आंशिक रुपमा सुचारु भएका छ । सदरमुकाम मलंगवा सहित सर्लाहीभर एडिएसएलको इन्टरनेट सेवा अवरुद्ध भएको थियो । इन्टरनेट सेवाबाट सुचारु हुने बैंकिङ सेवा, साईबर लगायत विभिन्न सरकारी तथा गैरसरकारी प्रतिष्ठान, संचारकर्मीहरु मारमा परेका छन् ।
एडिएसएल अवरुद्ध भएका कारण त्यसमा आश्रीत संचारमाध्यम एवं संचारकर्मीहरु समाचार संप्रेशण एवं प्रसारण गर्नबाट वञ्चित भएका थिए । ‘‘दिनभर एडिएसएलको इन्टरनेट नहुँदा साह्रै समस्या बेहोर्नु प¥यो ।’’ कान्तिपुर दैनिकका पत्रकार अमन कोइरालाले भने–‘‘एडिएसएल इन्टरनेट सेवाले पटक–पटक यसरी धोका दिँदा समस्या बोहोरी राख्नु परेको छ ।’’ संचारकर्मीहरु आ–आफूले संकलन गरेका समाचार संप्रेषण गर्नका लागि विहिबार दिनभर वल्र्डलिंक, वेभसर्फर लगायत नीजि इन्टरनेट सेवा भएका स्थानहरुमा दौडादौड गरिरहेका थिए ।
सर्लाहीमा एडिएसएल इन्टरनेट सेवाका झण्डै ५ सय हाराहारीमा प्रत्यक्ष ग्राहक रहेका छन् भने त्यसबाट हजारौं सर्वसाधारणको काम हुने गर्दछ । नेपाल टेलिकमले भने फाईबरमा समस्या देखिएका कारण रौतहटदेखि पूर्व एडिएसएल सेवा अवरुद्ध हुन पुगेको जनाएको छ ।