छात्रावृत्ति तथा स्वागत कार्यक्रम

छात्रावृत्ति तथा स्वागत कार्यक्रम
सर्लाही समाचारदाता
पत्थरकोट, पुस १३ । पत्थरकोट ७ मा रहेको जनता निमाविमा शनिबार विद्यार्थीहरुलाई छात्रावृत्ति वितरण तथा क्षेत्र नम्वर १ का नव निर्वाचित सभासद्लाई स्वागत तथा अभिनन्दन कार्यक्रम सम्पन्न भएको छ ।
विद्यालय व्यवस्थापन समितीका अध्यक्ष लक्ष्मण महतोको अध्यक्षता भएको कार्यक्रममा विद्यालयका १ सय २ जना विद्यार्थीहरुलाई छात्रावृत्ति वितरण गरिएको हो । साथै विद्यालयको आयोजनामा सर्लाही क्षेत्र नम्बर १ का सभास शम्भुलाल श्रेष्ठलाई स्वागत तथा अभिनन्दन गरिएको छ । उनलाई दोसल्ला ओढाई फुलमाला लगाएर स्वागत तथा अभिनन्दन गरिएको विद्यालयका प्रधानाध्यापक बिजय कुमार साहले जानकारी दिए ।
कार्यक्रममा नेपाली काँगे्रसका नेता राम सुरत महतो, एमालेका नेता लालसिंह लामा, एमाओवादीका नेता बिष्णु सापकोटा लगायतले मन्तव्य राखेका थिए ।