हिंसापीडित महिलाको विषयमा छलफल
लालबाबु राय÷सर्लाही दैनिक
मलंगवा, पुस ९ । हिंसा पिडित महिलाको न्यायको अवस्थाबारेमा सरोकारवाला निकायहरु सँग छलफल भएको छ ।
देशभरि चलिरहेको बलात्कार विरुद्ध राष्ट्रिय अभियान अन्र्तगत “महिला हिंसा अन्त्य गरौं, सभ्य सामाजको निर्माण गरौं” भन्ने नाराका साथै मानव अधिकार रक्षक महिला संजाल र सरोकारवाला बीच मंगलवार सदरमुकाम मलंगवामा छलफल भएको हो । कार्यक्रममा बलात्कार पिडित महिलाको न्यायको अवस्थालाई कार्यान्वयन गरी सफल पार्नुपर्ने र सरोकारवाला निकायहरुले पिडितलाई व्यवस्थापनका लागि सकारात्मक भुमिका खेल्नुपर्ने विषयमा केन्द्रित भएर छलफल भएको हो । महिला मानव अधिकार रक्षक संजाल सर्लाहीको आयोजना र राष्ट्रिय मानव अधिकार रक्षक संजालको सहयोगमा छलफल सम्पन्न भएको हो । महिला मानव अधिकार रक्षक संजाल सर्लाहीकी अध्यक्ष भारती देवी झाको अध्यक्षतामा कार्यक्रम सम्मपन्न भएको हो । कार्यक्रममा मानव अधिकार सम्बद्ध, सरोकारवाला निकाय, नागरिक सामाज, बुद्धिजिवी, राजनिति दल, प्रहरी, पत्रकार लगायतका उपस्थिति रहेको थियो ।
No comments:
Post a Comment