दोहोरो अंक नल्याउने दलको संख्या २०

क्षेत्र नं. १ को समानुपातिक मतपरिणाम
दोहोरो अंक नल्याउने दलको संख्या २०
सर्लाही समाचारदाता
मलंगवा, मङ्सिर १४ । संविधान सभाको दोस्रो निर्वाचन अन्तर्गत सर्लाहीको क्षेत्र नं. १ मा समानुपातिकतर्फको मतपरिणाम अनुसार दोहोरो अंक प्राप्त गर्न नसक्ने राजनैतिक दलहरु २० वटा रहेका छन् । थारु जातीको बाहुल्य रहेको भनिएको उक्त क्षेत्रबाट थरुहट् तराई पार्टी नेपालले १ मत पनि पाएन भने प्रत्यक्षतर्फ पनि जीत हाँसिल गरेको एकिकृत नेकपा माओवादीले सबैभन्दा बढी ७ हजार दुई ७७ मत प्राप्त गर्यो ।
उक्त क्षेत्रमा १ हजारदेखि माथि मत ल्याउने दलहरु एमाओवादी सहित ८ वटा रहेका छन् । जसमा नेकपा ए(एमाले) ले ६ हजार ९ सय ६८, राष्ट्रिय प्रजातन्त्र पार्टी नेपालले ४ हजार ५ सय ९५, नेपाली कांग्रेसले ४ हजार १ सय २४, तराई मधेश सदभावना पार्टी नेपालले ३हजार ६ सय ३४, सद्भावना पार्टीले १ हजार ८ सय ५०, मधेशी जनअधिकार फोरम, नेपाल (लोकतान्त्रिक) ले १ हजार ३ सय ८६ र तराई–मधेश लोकतान्त्रिक पार्टीले १ हजार ३ सय ५७ मत पाए ।
त्यस्तै ९ मतसम्म पाउने दलहरुको संख्या १९ रहेको छ । जसमा लिम्बुवान मुक्ति मोर्चा नेपालको ९, नेपाली जनता पार्टीको ९, राष्ट्रवादी एकता पार्टीको ८, जनमोर्चा नेपालको ८, खस समावेशी राष्ट्रिय पार्टीको ७, राष्ट्रिय मधेश एकता पार्टी, नेपालको ६, राष्ट्रवादी जनता पार्टीको ५, नयाँ संघीयता जनधारणा पार्टीको ५, संघीय विकासवादी पार्टी नेपालको ५ र हरियाली नेपाल पार्टीको ५ मत मात्र रहेको छ ।
त्यस्तै तराई पहाड हिमाल समाज पार्टीको ५, राष्ट्रिय लोकतान्त्रिक युवा पार्टीको ५, नेपाल मधेशी जनता दल (समाजवादी) को ४, लोकतान्त्रिक जनता पार्टी नेपालको ४, श्रमिक जनता पार्टी–नेपालको ३ र नेपाल समाजवादी पार्टी (लोहियावादी) ले ३ मत पाएको छ ।
त्यसैगरी अखण्ड सुदूरपश्चिम पार्टी नेपालले ३, देशभक्त पर्यावरणीय सामाजिक (देपसा) मोर्चाले २, संघीय लिम्बुवान राज्य परिषदले २ मत हाँसिल गरेको छ ।  १० देखि ४९ अंक ल्याउने दलहरु ५५ वटा, ५० देखि ९९ अंक ल्याउने दलहरु २१ वटा र १०० देखि ९ सय ३३ मत ल्याउने दलहरु १८ वटा रहेका छन् । ५१ हजार २ सय ७८ मध्ये ४० हजार २० सद्र मत गणना भएको निर्वाचन आयोगले जनाएको छ ।