निर्वाचित सभासद्हरु विजय उत्सव मनाउँदै

निर्वाचित सभासद्हरु विजय उत्सव मनाउँदै
सर्लाही समाचारदाता
मलंगवा, मङ्सिर १० । संविधान सभा सदस्यको दोस्रो निर्वाचन अन्तर्गत गत मंगलबार सम्पन्न मतदानबाट निर्वाचित सर्लाहीका सभासद्हरु धमाधम गाउँ–गाउँमा विजयोत्सव मनाउँदैछन् ।
जिल्लाका ६ वटा क्षेत्रबाट निर्वाचित ६ जना सभासद् मध्ये ५ जनाले आ–आÇनो क्षेत्रमा विजयी ¥याली र मतदातालाई धन्यवाद ज्ञापनको काम तिब्र गतीमा अगाडी बढाईरहेका छन् । क्षेत्र नं. १ बाट निर्वाचित एकिकृत नेकपा माओवादीका शम्भुलाल श्रेष्ठ, क्षेत्र नं. २ मा निर्वाचित नेपाली कांग्रेसका रामचन्द्र चौधरी, क्षेत्र नं. ३ मा निर्वाचित नेकपा एमालेका हरि उप्रेती, क्षेत्र नं. ४ मा निर्वाचित तराई मधेश सद्भावना पार्टी नेपालका महेन्द्र राय यादव, क्षेत्र नं. ५ मा निर्वाचित तराई मधेश लोकतान्त्रिक पार्टीका जंगीलाल राय निर्वाचित भएदेखि आ–आÇनो क्षेत्र अन्तर्गत पर्ने गाउँगाउमा विजयोत्सव मनाउन व्यस्त बनेका छन् । दुई दिनयता निर्वाचित सभासद्हरुलाई अविर माला लगाईदिने र स्वागत गर्नेहरुको गाउँगाउँमा लहर चलेको छ । विहान सवेरै घरबाट निस्कने निर्वाचित सभासद्हरु गाउँ–गाउँमा आयोजना हुने विजयी ¥यालीमा सहभागि भई राती अवेर मात्र घर पुग्ने गरेका छन् ।
क्षेत्र अन्तर्गतका सबै गाउँहरुबाट नेता कार्यकर्ताले विजयोत्सव मनाउन तत्काल बोलाएकाले निर्वाचित सभासद्हरु केही अÇठ्यारोमा समेत परेका छन् । ‘‘निर्वाचित भएको घोषणा लगतै गाउँगाउँबाट नेता कार्यकर्ताहरुले पहिला म कहाँ, पहिला म कहाँ भनेर बोलाईरहेका छन् ।’’ नेपाली कांग्रेसबाट क्षेत्र नं. २ मा निर्वाचित सभासद् रामचन्द्र चौधरीले भने–‘‘मिलाएर गाउँ गाउँमा नेता कार्यकर्ताहरुसँगै विजयी ¥यालीमा सहभागि भईरहेको छु ।’’
क्षेत्र नं. ६ मा नेपाली कांग्रेसबाट निर्वाचित सभासद् अमरेश सिंह भने मतगणना घोषणा भएको भोलिपल्ट अर्थात गत शनिबार विहानै काठमाण्डौतर्फ लागेका छन् । सिंह मतगणना घोषणा भएलगतै सदरमुकाम मलंगवामा शुक्रबार राती नै नेता कार्यकर्ताले आयोजना गरेको विजयी ¥यालीमा सहभागि भएका थिए भने शनिबार विहान काठमाण्डौतर्फ लागेका थिए । ०६२÷०६३ मा सात दल र तत्कालिन नेकपा माओवादीबीच भारतमा भएको १२ बुँदे समझदारी सहित विभिन्न दलिय सहमतिमा सकृय भूमिका निर्वाह गरिरहेका कांग्रेस नेता सिंहले मतगणना घोषणा कार्यक्रममा नै एमाओवादी अध्यक्ष प्रचण्ड लगायत उक्त पार्टीका शिर्ष नेताहरुसँग भेटेर दोस्रो संविधान सभा निर्वाचनको मतपरिणाम स्वीकार गर्दै आगामी संविधान सभामा सहभागि हुन आग्रह गर्नका लागि तत्कालै राजधानी काठमाण्डौतर्फ जाने बताएका थिए ।