सर्लाहीमा कांग्रेस पहिलो, तमसपा दोस्रो

सर्लाहीमा कांग्रेस पहिलो, तमसपा दोस्रो
सर्लाही समाचारदाता
मलंगवा, मङ्सिर १३ । संविधान सभा सदस्यको दोस्रो निर्वाचन अन्तर्गत सर्लाहीमा समानुपातिक तर्फको मतगणना विहिबार सकिएको छ । मुख्य निर्वाचन अधिकृत कृष्ण कमल अधिकारीले ६ वटै क्षेत्रको समानुपातिक मतगणना सकिएको बताए । प्राप्त मतपरिणाम अनुसार सर्लाहीमा समानुपातिकतर्फ सबैभन्दा बढी मत पाउने १० वटा दलहरुमा क्रमशः नेपाली कांग्रेस, तराई मधेश सद्भावना पार्टी नेपाल, नेकपा (एमाले), तराई मधेश लोकतान्त्रिक पार्टी, सद्भावना पार्टी, एकिकृत नेकपा माओवादी, मधेशी जन अधिकार फोरम नेपाल, राप्रपा नेपाल, मधेशी जन अधिकार फोरम नेपाल (लोकतान्त्रिक) र राष्ट्रिय मधेश समाजवादी पार्टी रहेका छन् ।
प्रत्यक्षतर्फ पनि क्षेत्र नं. २ र ६ मा जीत हाँसिल गरेको नेपाली कांग्रेसले जिल्लाभर सबैभन्दा बढी ३४ हजार ३ सय १७ मत पाएको छ । प्रत्यक्ष र समानुपातिकतर्फ मुलुकभरमा सबैभन्दा ठूलो पार्टी बनेको कांग्रेसले सर्लाहीमा पनि प्रत्यक्ष र समानुपातिकतर्फ अग्रता कायम गरेको छ ।कांग्रेसले क्षेत्र नं. एकमा ४ हजार १ सय २४, दुईमा ४ हजार ४ सय ८३, तीनमा ५ हजार ४३ सय ९३, चारमा २ हजार ७ सय ९०, पाँचमा ३ हजार ७ सय ४२ र ६ मा १३ हजार ३ सय १७ मत प्राप्त गरेको छ ।
त्यस्तै प्रत्यक्षतर्फ क्षेत्र नं. ४ मा जीत हाँसिल गरेको तराई मधेश सद्भावना पार्टी नेपालले २८ हजार ५ सय ६५ मतका साथ दोस्रो स्थान हाँसिल गरेको छ । तमसपाले क्षेत्र नं. एकबाट ३ हजार ६ सय ३४, दुईबाट १ हजार २ सय ७७, तीनबाट २ हजार ६ सय ५२, चारबाट ९ हजार २ सय १३, पाँचबाट ३ हजार २ सय ७२ र ६ बाट ८ हजार ५ सय १७ मत ल्याएको छ  ।
त्यसैगरी प्रत्यक्षतर्फ क्षेत्र नं. ३ मा विजयी नेकपा (एमाले) ले २७ हजार ८ सय ४३ मत प्राप्त गरी तेस्रो स्थान हाँसिल गरेको छ । एमालेले क्षेत्र नं. एकमा ६ हजार ९ सय ६८, दुईमा ४ हजार ८ सय ६, तीनमा ८ हजार १ सय ५८, चारमा ५ हजार ९ सय ४५, पाँचमा ६ सय ९५ र ६ मा १ हजार २ सय ७१ मत ल्याएको छ ।
त्यस्तै प्रत्यक्षतर्फ क्षेत्र नं. ५ मा जीत हाँसिल गरेको तराई मधेश लोकतान्त्रिक पार्टीले समानुपातिकतर्फ भने जिल्लाभर २४ हजार ८ सय ४५ मत ल्याएको छ । तमलोपाले क्षेत्र नं. एकमा १ हजार ३ सय ५७, दुईमा ४ हजार १ सय ५, तीनमा २ हजार ७३, चारमा ७ सय ११, पाँचमा ८ सर्लाहीमा............
हजार ८२ र ६ मा ८ हजार ५ सय १७ मत ल्याएको छ ।
त्यसैगरी प्रत्यक्षतर्फ जिल्लाका सबै क्षेत्रमा हार व्यहोरेको सद्भावना पार्टीले २२ हजार ८ सय ४८ मत प्राप्त गरेको छ । सद्भावनाले क्षेत्र नं. एकमा १ हजार ८ सय ५०, दुईमा ३ हजार ३९, तीनमा १ हजार ७ सय ५६, चारमा ८ हजार २ सय २४, पाँचमा ५ हजार ५ सय ७८ र ६ मा २ हजार ४ सय १ मत पाएको छ ।
त्यस्तै प्रत्यक्षतर्फ क्षेत्र नं. १ मा जीत हाँसिल गरेको एकिकृत नेकपा माओवादीले समानुपातिकतर्फ भने जिल्लाभर २२ हजार २ सय ५६ मत ल्याउँदै छैठौं स्थान ओगटेको छ । एमाओवादीले क्षेत्र नं. एकमा ७ हजार २ सय ७७, दुईमा ४ हजार ४ सय २८, तीनमा ७ हजार २ सय ९, चारमा १ हजार ८ सय ३२, पाँचमा ९ सय ८४ र ६ मा ५ सय २६ मत ल्याएको छ ।
त्यसैगरी प्रत्यक्षतर्फ जिल्लाको सबै क्षेत्रमा हार व्यहोरेको मधेशी जन अधिकार फोरम नेपालले समानुपातिकतर्फ भने सातौ स्थानमा रहदै १५ हजार ४ सय २९ मत हाँसिल गरेको छ । फोरम नेपालले क्षेत्र नं. १ मा ३ सय २६, दुईमा २ हजार ६ सय ५९, तीनमा ३ हजार २ सय ६०, चारमा ३ हजार ९ सय ४२, पाँचमा ४ हजार ५ सय १७ र ६ नंं. मा ७ सय २५ मत मात्र पाएको छ ।
त्यस्तै प्रत्यक्षतर्फ एक सिट पनि जित्न नसकेको र समानुपातिकतर्फ चौथो शक्ति बनेको राप्रपा नेपालले सर्लाहीमा भने १४ हजार ४ सय ८ मत प्राप्त गरी आठौं स्थान ओगटेको छ । राप्रपा नेपालले क्षेत्र नं. एकमा ४ हजार ५ सय ९५, दुईमा ३ हजार ५ सय २५, तीनमा २ हजार ४ सय ८९, चारमा १ हजार ४ सय १५, पाँचमा १ हजार १ सय ६३ र ६ नं.मा १ हजार २ सय २१ मत पाएको छ ।
त्यसैगरी मुलुकभरमा प्रत्यक्षतर्फको संख्या र समानुपातिक मत परिणाम पाचौं शक्तिको रुपमा स्थापना भएको मधेशी जन अधिकार फोरम नेपाल (लोकतान्त्रिक) सर्लाहीमा भने समानुपातिकतर्फ ९ हजार ४ सय ४२ मत प्राप्त गरी नवौं स्थानमा रहेको छ । फोरम नेपाल (लोकतान्त्रिक) ले क्षेत्र नं. एकमा १ हजार ३ सय ८६, दुईमा ३ सय ८६, तीनमा १ हजार ३ सय ८, चारमा २ सय ३४, पाँचमा ५ हजार ६ सय ३८ र ६ नं. मा ४ सय ९० मत पाएको छ ।
त्यस्तै शरतसिंह भण्डारी नेतृत्वको राष्ट्रिय मधेश समाजवादी पार्टीले ४ हजार ३ सय ६९ मत ल्याउँदै सर्लाहीमा समानुपातिकतर्फ १०औं स्थान ओगटेको छ । रामसपाले क्षेत्र नं. १ मा ९ सय ३३, दुईमा ४ सय ८२, तीनमा ९ सय २३, चारमा १ हजार ६ सय ८, पाँचमा १ सय ४७ र ६ नं.मा २ सय ७६ मत पाएको छ ।
सर्लाहीबाट १ सय २२ वटै दलले क्षेत्रानुसार पाएको मतपरिणाम यस सर्लाही दैनिकले क्रमशः प्रकाशित गरिरहेको छ । यसअघि क्षेत्र नं. ३ को प्रकाशित गरिसकेको सर्लाही दैनिकले आज भने क्षेत्र नं. २ को विस्तृत मतपरिणाम पृष्ठ ३ मा प्रकाशित गरेको छ । पाठकहरुको सुविधालाई मध्यनजर गर्दै बाँकी क्षेत्र नं. १, ४, ५ र ६ को पनि क्रमशः प्रकाशित गरिने छ ।