१० भन्दा कम पाउने ४२ उम्मेद्वार

१० भन्दा कम पाउने ४२ उम्मेद्वार
टंकबहादुर क्षेत्री÷सर्लाही दैनिक
मलंगवा, मङ्सिर ११ । संविधान सभा सदस्यको निर्वाचनमा सर्लाहीबाट उम्मेद्वारी दिएका २ सय ५५ जनामध्ये ४२ जना उम्मेद्वारले शुन्य देखि १० मत मात्र पाएका छन् । निर्वाचन आयोगका अनुसार क्षेत्र नं. १ र ४ बाट त्यस्तो मत पाउनेमा १–१ जना रहेका छन् भने अन्य क्षेत्रबाट ५ जनाभन्दा बढी तथा क्षेत्र नं. ६ बाट सबैभन्दा बढी १७ जना उम्मेद्वार रहेका छन् । जानकारहरुका अनुसार कतिपय ठूला राजनैतिक दलका उम्मेद्वारहरुले ‘डमी’ (आफूलाई सवारी साधन लगायतमा सुविधा पु¥याउने उद्धेश्यले खडा गरिएको उम्मेद्वार) खडा गरेका कारण र जनमत नै नभएपनि हरेक निर्वाचनमा आफूखुसी उम्मेद्वारी दिदै आएका स्वतन्त्र उम्मेद्वारहरुले त्यस्तो मत पाएका हुन् । कतिपय नामै नसुनेका दलका उम्मेद्वारहरुले पनि अत्यन्त कम मत पाएका छन् ।
जसअन्तर्गत क्षेत्र नं. १ बाट स्वतन्त्र उम्मेद्वारी दिएका काइँयो छापका अशोक कुमार सिंहले ६ तथा ४ बाट स्वतन्त्रै उम्मेद्वारी दिएका काइँयो छापमै राम उगर राय यादवले ४ मत पाएका छन् । क्षेत्र नं. १ मा ३६ जना तथा क्षेत्र नं. ४ मा ३८ जनाले उम्मेद्वारी दिएका थिए ।
त्यस्तै क्षेत्र नं. २ मा ५ जना स्वतन्त्र उम्मेद्वारले त्यस्तो मत प्राप्त गरेका छन् । राम सिंह चौधरीले गङगटो छापमा १०, मिश्री लाल महतोले खुर्पी छापमा ८, हरि दास कथवनियाले भुईंकटहर छापमा ८, लक्ष्मी प्रसाद बरालले लाटोकोसेरो छापमा ५ र नवराज शर्मा भट्टराइले काइँयो छापमा १ मत मात्र हाँसिल गरेका छन् । यस क्षेत्रमा ४२ जनाले उम्मेद्वारी दिएका थिए ।
त्यस्तै क्षेत्र नं. ३ मा दुई पार्टी सहित ९ जना उम्मेद्वारले १० वा सो भन्दा कम मत पाएका छन् । जसअनुसार शिवसेना नेपाल पार्टीबाट खडा भएका रामवीर ठाकुरले डमरु छापमा १०, जनयुनिटी को–अपरेटिभ पार्टी नेपालबाट उम्मेद्वारी दिएका दिलिप सिंहले कापी कलम छापमा ६ मत मात्र पाएका छन् । अन्य स्वतन्त्र उम्मेद्वारहरु प्रेम रायले इस्त्री छापमा ९, शिव बहादुर थापाले खल छापमा ७, शंकर कुमार लामाले जाँतो छापमा ६, रामराज बस्नेतले पलङ्ग छापमा ५, मानबहादुर लामा घिसिङले इनार छापमा ५, परशुराम रायले  कालोपाटी छापमा ४ र गंगाराम राय यादवले काइँयो छापमा १ मत मात्र पाए । यस क्षेत्रमा ४६ जनाले उम्मेद्वारी दिएका थिए ।
त्यस्तै क्षेत्र नं. ५ मा त्यस्तो मत पाउनेमा एक पार्टीका सहित ९ जना उम्मेद्वारहरु रहेका छन् । जसअनुसार नेपाल मजदुर किसान पार्टीबाट खडा भएका किशोरी ठाकुरले मादल छापमा ७ मात्र पाएका छन् । स्वतन्त्र उम्मेद्वारहरुमा बिजय कुमार चौधरीले हेल्मेट छापमा १०, जगदिश प्रसाद महतोले प्रेसर कुकर छापमा १०, भिखारी ठाकुरले इनार छापमा ७, दिपेन्द्र कुमार साहले कुखुराको चल्ला छापमा ७, महादेव रायले खुर्पी छापमा ६, रामचन्द्र रायले स्वेटर छापमा ५, गायत्री यादवले ताल्चा साँचो छापमा ४ र सुनिता रायले ग्याँस चुलो छापमा १ मत मात्र पाए । यस क्षेत्रमा ४४ जना उम्मेद्वार रहेका थिए ।
त्यसैगरी क्षेत्र नं. ६ बाट अन्य क्षेत्रको तुलनामा सबैभन्दा बढी १७ जना उम्मेद्वारले १० भन्दा कम मत पाएका छन् । जसमा दुईवटा पार्टीका सहित स्वतन्त्र उम्मेद्वार रहेका छन् । जसअनुसार जनयुनिटी को–अपरेटिभ पार्टी नेपालबाट कापी कलम छापमा उठेकी रेखा कुमारी चौधरीले ७ तथा सोसल रिपब्लिकन पार्टीबाट उठेका राम सोगारथ महतोले सलाईको बट्टा छापमा २ मत पाए ।
अन्य स्वतन्त्र उम्मेद्वारहरुमा प्रमोद चौधरी खुर्पी छापमा १०, मानकी सहनी ताल्चा साँचो छापमा १०, वैजनाथ सहनी पलङ्ग छापमा ९, अरविन्द्र कुमार ठाकुर हेल्मेट छापमा ८, मिना यादव झोला छापमा ८, सुभनारायण साह पेन्चिस छापमा ७, संजय कुमार यादव कारखाना छापमा ७, अजय कुमार महतो लट्टाई छापमा ६, मणि भूषण सिंह प्रेसर कुकर छापमा ६, सत्य नारायण हजारी स्वेटर छापमा ५, रतनेश कुमार सिंह बुरुस छापमा ५, आलोक कुमार शर्मा काइँयो छापमा ४, भोला महतो कोइरी ग्याँस चुलो छापमा ३, राम सिनेही राय इनार छापमा १ र रामदेव रायले कप छापमा शून्य मत पाएका छन् । यस क्षेत्रमा ४९ जना उम्मेद्वारहरु खडा भएका थिए ।