५ क्षेत्रको समानुपातिक सकियो

५ क्षेत्रको समानुपातिक सकियो
सर्लाही समाचारदाता
मलंगवा, मङ्सिर १२ । संविधान सभाको दोस्रो निर्वाचन अन्तर्गत सर्लाहीमा बुधबार रातीसम्म ५ वटा क्षेत्रको समानुपातिकतर्फको मतगणना सकिएको छ ।
क्षेत्र नं. १, क्षेत्र नं. ३, क्षेत्र नं. ४, क्षेत्र नं. ५ र क्षेत्र नं. ६ को मतगणना सकिएको हो । क्षेत्र नं. २ को मतगणना भने विहिबार मध्यान्हसम्म सकिने निर्वाचन अधिकृत लालकाजी श्रेष्ठले बताए । प्रत्यक्षतर्फ जुन दलका उम्मेद्वारले जीत हाँसिल गरेका छन् सोही दलले समानुपातिकमा पनि बढी मत पाएको भेटिएको मुख्य निर्वाचन अधिकृत कृष्ण कमल अधिकारीले बताए । राप्रपा नेपालको गाई चिन्हमा भने प्रत्यक्षतर्फका उम्मेद्वार भन्दा समानुपातिकमा बढी मत खसेको छ । क्षेत्र नं. ३ को समानुपातिक तर्फको मतगणनाको परिणाम यस सर्लाही दैनिकलाई प्राप्त भईसकेकाले पृष्ठ ३ मा विस्तृत विवरण राखिएको छ । बाँकी क्षेत्रका समानुपातिक तर्फको मतपरिणामको विस्तृत विवरण पनि क्रमश प्रकाशित गरिने सर्लाही दैनिक परिवारले जनाएको छ ।