बलात्कार आरोपमा पक्राउ

बलात्कार आरोपमा पक्राउ
सर्लाही समाचारदाता
कर्मैया, मङ्सिर ११ । पाँच वर्षिया बालिकालाई बलात्कार प्रयास गरेको आरोपमा ५६ वर्षिय एक व्यक्तिलाई प्रहरीले पक्राउ गरी कार्वाही प्रकृया अगाडी बढाएको छ ।
कर्मैया गाविस–९ का मैतसिंह मोक्तानलाई बलात्कार उद्योग अन्तर्गत कार्वाही प्रकृया अगाडी बढाईएको प्रहरीले जनाएको छ । इलाका प्रहरी कार्यालय हरिपुरले मंगलबार जिल्ला अदालतबाट ७ दिने म्याद लिएर मोक्तान विरुद्ध कार्वाही प्रकृया अगाडी बढाएको हो ।
५६ वर्षिय मोक्तानले छिमेकी ५ वर्षिया बालिकालाई बलात्कार प्रयास गरेको आरोप लगाईएको छ । स्थानीय गाउँलेहरुले बालिकालाई बलात्कार गरेको आरोप लगाउँदै मोक्तानलाई कुटपीट गरेर प्रहरी समक्ष बुझाएका थिए ।
दिशापिशाव गर्न गाह्रो मानेपछि अभिभावक लगायतले सोधपुछ गर्दा मोक्तानले नै दुई–तीन दिनदेखि आÇनो गुप्ताङ्गमा दुखाएको बालिकाले बताएकी थिईन् । आÇनी आमाको मृत्यु भएपछि बुवाले अर्की श्रीमति ल्याएकाले पीडित बालिका छिमेकी मोक्तानसँगै अधिकांश समय रहने गरेकी थिईन् । मंगलबार नै बालिका र मोक्तानलाई जिल्ला अस्पताल मलंगवा लगेर प्रहरीले परिक्षण गराएको छ ।
मोक्तानले भने मदिरा सेवन गरेको सुरमा आफूले के गरेको भन्ने थाहा नभएको बताउने गरेको इलाका प्रहरी कार्यालय हरिवनका प्रहरी निरीक्षक शंकरसिंह रावलले बताए । मोक्तानलाई इलाका प्रहरी कार्यालय हरिवनले नियन्त्रणमा लिई आवश्यक कार्वाहीका लागि इलाका प्रहरी कार्यालय हरिपुर पठाएको हो । बालिकाका बुवाले मोक्तान विरुद्ध किटानी जाहेरी दिएको प्रहरीले जनायो ।