प्रहरी प्रवक्तालाई पत्नी शोक

प्रहरी प्रवक्तालाई पत्नी शोक
सर्लाही समाचारदाता
मलंगवा, मङ्सिर १० । जिल्ला प्रहरी कार्यालय सर्लाहीका प्रवक्ता एवं प्रहरी निरीक्षक पृथ्वीनारायण ओलीलाई पत्नी शोक परेको छ ।
प्रवक्ता ओलीलाई एकसाथ सहोदर पत्नी सहित पारिवारिक शोक परेको हो । गत आइतबार सवारी दुर्घटनामा परेर उनकी पत्नी ३६ वर्षिया जमुना ओली तथा अन्य आफन्तको मुत्यु भएको बताईएको छ ।
ताप्लेजुङ्को प्रसिद्ध पाथिभरा मन्दिर दर्शन गरेर फर्कने क्रममा झापाको बुट्टाबारीमा मे. १ ज ११३७ नम्बरको भ्यान दुर्घटना हुँदा प्रवक्ता ओलीकी पत्नी सहित ४ जनाको मृत्यु भएको थियो ।
उनका एक छोरा र छोरी पनि दुर्घटनामा परेर घाईते भएको बताईएको छ । झापाको अनारमनी निवासी प्रवक्ता ओली केही महिना अघि मात्र जिल्ला प्रहरी कार्यालय सर्लाहीमा सरुवा भएर आएका थिए । प्रवक्ता ओलीको दुःखमा जिल्ला प्रहरी कार्यालय सर्लाहीले समवेदना प्रकट गरेको छ ।