सर्लाहीमा २ सय ३२ जना उम्मेद्वारको जमानत जफत

सर्लाहीमा २ सय ३२ जना उम्मेद्वारको जमानत जफत
टंकबहादुर क्षेत्री÷सर्लाही दैनिक
मलंगवा, मङ्सिर ९ । संविधान सभाको दोस्रो निर्वाचन अन्तर्गत आएको मत परिणाम अनुसार सर्लाहीबाट ६ वटै क्षेत्रमा खडा भएका प्रत्यक्ष तर्फका उम्मेद्वारहरु मध्ये विजयी र मुख्य प्रतिस्पर्धी बाहेक २३ जनाले मात्र जमानत बचाउँन सकेका छन् । निर्वाचन आयोगको वेभसाईटमा उल्लेख भएअनुसार जिल्ला स्थित ६ वटा क्षेत्रबाट खडा भएका २ सय ५५जना उम्मेद्वार मध्ये २ सय ३२ जनाको जमानत जफत भएको छ । नियमानुसार क्षेत्रमा खसेको कुल सदर मतको १० प्रतिशत भन्दा कम मत पाउने उम्मेद्वारको जमानत जफल हुन्छ । १० प्रतिशत भन्दा कम मत ल्याउने उम्मेद्वारले उम्मेद्वारी दिँदा जमानत बापत राखेको ३ हजार रुपैंया समेत फिर्ता हुँदैन । जमानत वापत राखिएको २ सय ३२ जना उम्मेद्वारहरुको ३ हजार फिर्ता गर्नु नपर्दा निर्वाचन आयोगलाई ६ लाख ९६ हजार आम्दानी समेत भएको छ ।
क्षेत्र नं। १ मा खसेको मध्ये ३८ हजार १ सय १६ मत सदर भएको छ । जसमा विजयी एकिकृत नेकपा माओवादीका शम्भुलाल श्रेष्ठले ९ हजार ४ सय ७६ तथा उनका मुख्य प्रतिस्पर्धी नेकपा एमालेका राष्ट्रिय अध्यक्ष झलनाथ खनालले ८ हजार ७ सय ९१ मत हाँसिल गरेका छन् । त्यस्तै तराई मधेश सद्भावना पार्टी नेपालका रामचन्द्र सिंह कुशवाहले ४ हजार ५ सय ८८ र नेपाली कांग्रेसकी शुशिला कार्कीले ३ हजार ८ सय ९६ मत ल्याउँदै आ–आÇनो जमानत बचाउन सफल भएका छन् । क्षेत्र नं। १ मा स्वतन्त्र ५ सहित ३६ जना उम्मेद्वार मैदानमा खडा भएका थिए । जसमा ३२ जनाको जमानत जफत भएको छ ।
त्यस्तै क्षेत्र नं। २ मा खसेको मध्ये ४१ हजार ३ सय ७९ मत सदर भएको छ । जसमा विजयी नेपाली कांग्रेसका रामचन्द्र चौधरीले ६ हजार ७ सय ४ तथा उनका मुख्य प्रतिस्पर्धी नेकपा एमालेका सुरेन्द्र लामाले ६ हजार ३ सय ५९ मत हाँसिल गरेका छन् । त्यस्तै एकिकृत नेकपा माओवादीका राजकुमार रायले ४ हजार ७ सय ११ मत हाँसिल गरेर जमानत बचाएका छन् । उक्त क्षेत्रमा स्वतन्त्र ११ सहित ४२ जना उम्मेद्वार मैदानमा खडा भएका थिए । जसमा ३९ जनाको जमानत जफत भएको छ ।
त्यसैगरी क्षेत्र नं। ३ मा खसेको मध्ये ४२ हजार ६ सय ३ मत सदर भएको छ । जसमा विजयी नेकपा एमालेका हरि उप्रेतीले १२ हजार ८ सय ८ तथा उनका मुख्य प्रतिस्पर्धी एकिकृत नेकपा माओवादीका भरत कुमार थापाले ९ हजार १ सय १ मत हाँसिल गरेका छन् । त्यस्तै मधेशी जन अधिकार फोरम नेपालका अशोक कुमार सिंहले ५ हजार ५९ र नेपाली कांग्रेसकी मिना पाण्डेले ४ हजार २ सय ८८ मत ल्याउँदै आ–आÇनो जमानत बचाउन सफल भएका छन् । उक्त क्षेत्रमा स्वतन्त्र १५ सहित ४६ जना उम्मेद्वार मैदानमा खडा भएका थिए । जसमा ४२ जनाको जमानत जफत भएको छ ।
त्यस्तै क्षेत्र नं। ४ मा खसेको मध्ये ४२ हजार ३ सय ४१ मत सदर भएको छ । जसमा विजयी तराई मधेश सद्भावना पार्टी नेपालका अध्यक्ष महेन्द्र राय यादवलले ११ हजार ५ सय ३४ तथा उनका मुख्य प्रतिस्पर्धी सद्भावना पार्टीका अध्यक्ष राजेन्द्र महतोले ८ हजार ७ सय ९० मत हाँसिल गरेका छन् । त्यस्तै नेकपा एमालेका राजनारायण साहले ८ हजार ३ सय ४८ र मधेशी जन अधिकार फोरम नेपालका रामचन्द्र राय यादवले ५ हजार २० ल्याउँदै आ–आÇनो जमानत बचाउन सफल भएका छन् । उक्त क्षेत्रमा स्वतन्त्र १० सहित ३८ जना उम्मेद्वार मैदानमा खडा भएका थिए । जसमा ३४ जनाको जमानत जफत भएको छ ।
त्यसैगरी क्षेत्र नं। ५ मा खसेको मध्ये ४१ हजार ८ सय १५ मत सदर भएको छ । जसमा विजयी तराई मधेश लोकतान्त्रिक पार्टीका जिल्ला अध्यक्ष जंगीलाल रायले ९ हजार ७ सय ६७ तथा उनका मुख्य प्रतिस्पर्धी सद्भावना पार्टीका जिल्ला अध्यक्ष प्रमोद साहले ७ हजार ७ सय २३ मत हाँसिल गरेका छन् । त्यस्तै मधेशी जन अधिकार फोरम नेपाल ९लोकतान्त्रिक० का वरिष्ठ उपाध्यक्ष रामेश्वर राय यादवले ७ हजार ४ सय ८३, मधेशी जन अधिकार फोरम नेपालका जिल्ला अध्यक्ष अशोककुमार यादवले ४ हजार ९ सय ४७, नेपाली कांग्रेसका नागेन्द्र कुमार रायले ४ हजार ६ सय ३८ मत ल्याउँदै आ–आÇनो जमानत बचाउन सफल भएका छन् । उक्त क्षेत्रमा स्वतन्त्र १८ सहित ४४ जना उम्मेद्वार मैदानमा खडा भएका थिए । जसमा ३९ जनाको जमानत जफत भएको छ ।
त्यस्तै क्षेत्र नं। ६ मा खसेको मध्ये ४१ हजार ५ सय ९६ मत सदर भएको छ । जसमा विजयी नेपाली कांग्रेसका अमरेश कुमार सिंहले १७ हजार ४ सय तथा उनका मुख्य प्रतिस्पर्धी तराई मधेश सद्भावना पार्टीका शिवपुजन रायले १० हजार ३ सय ६५ मत हाँसिल गरेका छन् । त्यस्तै तराई मधेश लोकतान्त्रिक पार्टीका राष्ट्रिय अध्यक्ष महन्थ ठाकुरले ७ हजार ३२ मत प्राप्त गरेका छन् । उक्त क्षेत्रमा स्वतन्त्र २३ सहित ४९ जना उम्मेद्वार मैदानमा खडा भएका थिए । जसमा ४६ जनाको जमानत जफत भएको छ ।