अपहरणको आशंका

अपहरणको आशंका
सर्लाही समाचारदाता
मलंगवा, मङ्सिर १५ । जिल्ला स्थित सुन्दरपुर गाविस निवासी एक व्यवासायी अपहरणमा परेको आशंका गरिएको छ ।
सदरमुकाम मलंगवाबाट शुक्रबार साँझ साढे ६ बजे घर फर्किदै गरेका सुन्दरपुर गाविस–९ का ३५ वर्षीय मोहमद मुस्ताकको अपहरण भएको आशंका गरिएको छ । शुक्रबार साँझदेखि सम्पर्क विहिन भएका मुस्ताकको खोजी कार्य तिब्र रुपमा भर्ईरहेको जिल्ला प्रहरी कार्यालयले जनाएको छ । प्रहरीका अनुसार कँही कतैबाट फोन नआएकाले अपहरण हो वा के हो भन्ने थाहा हुन नसकेको जिल्ला प्रहरी कार्यालयका प्रहरी नायव उपरीक्षक सन्तोष भट्टराईले बताए । ‘‘अपहरणकारीले लगेको भए कतैबाट फोन आउनुपर्ने तर केही नआएको उनका परिवारले बताएका छन् ।’’ प्रनाउ भट्टराईले भने–‘‘अनुसन्धान व्यापक बनाएका छौं ।’’ मुस्ताक चढेको मोटर साइकल भने मलंगवा–२ बाट प्रहरीले बरामद गरिसकेको छ ।