जोखिम न्यूनिकरण तालिम शुरु

जोखिम न्यूनिकरण तालिम शुरु
सर्लाही समाचारदाता
मलंगवा, पुस १४ । प्रकोप र जलवायु जोखिम न्यूनिकरणका लागि योजना तहसम्म मूल प्रवाहीकरण गर्ने उद्देश्यका साथ सरोकारबालालाई दिइएको चारदिने अभिमुखिकरण आइतबारबाट मलंगवामा शुरु भएको छ ।
यूएनडिपी र संघीय मामिला तथा स्थानीय विकास मन्त्रालयको सहयोगमा स्थानिय विकास प्रशिक्षण प्रतिष्ठान जावलाखेलले तालिमको आयोजना गरेको हो ।
जिल्ला दैविप्रकोप उद्धार समितिको पदाधिकारी, विषयगत कार्यालयका प्रमुख, सुरक्षा निकाय प्रमुख एवं स्थानिय निकायका प्रतिनिधी सहित २५ सहभागिलाई प्रतिष्ठानका प्रशिक्षकद्वय शैलेस चापागाई र ऋतुवर्ण सिलवालले सहजिकरण गरेका छन् । छलफल पश्चात स्थानिय स्तरकै समस्या बारेमा कार्य योजना समेत बनाइने प्रतिष्ठानका सत्रुधन चौधरीले जानकारी दिए । निमित्त स्थानिय विकास अधिकारी होमबहादुर बस्नेतको सभापतित्वमा भएको कार्यक्रम निमित्त प्रमुख जिल्ला अधिकार प्रकाशचन्द्र अधिकारीले उद्घाटन गरेका थिए ।