छोराको कुटाईबाट आमाको मृत्यु

छोराको कुटाईबाट आमाको मृत्यु
सर्लाही समाचारदाता
हजरिया, पुस १३ । एक युवकले आफूलाई जन्म दिने आफ्नी आमाको हत्या गरेका छन् । हजरिया गाविस निवासी करिब २९ वर्षिय एक युवकले कुटपीट गर्दा शुक्रबार राती उनको सहोदर आमाको मृत्यु भएको हो ।
हजरिया गाविस–७ निवासी रामकैलाश महतोको कुटाईबाट ४८ वर्षिया उनकी आमा कौशिलादेवीको मृत्यु भएको जिल्ला प्रहरी कार्यालयले जनाएको छ । प्रहरीका अनुसार साँझ सात बजेतिर आÇना छोराछोरीलाई कुटपीट गरेपछि सम्झाउने क्रममा कैलासले आमा कौशिला देवीमाथि पनि कुटपीट गरेका थिए ।
कैलासको कुटाईबाट आमा कौशिलाको घटनास्थलमै मृत्यु भएको बताईएको छ । साँझ बजारबाट मदिरा सेवन गरेर ढिला गरि गएका कैलासले पहिला आÇना छोराछोरीलाई कुटपीट गरेको प्रहरीले जनाएको छ । ‘‘बजारबाट गएका कैलासले दुईजना आÇना छोराछोरीलाई कुटपीट गरेछन् ।’’ जिल्ला प्रहरी कार्यालयका प्रहरी निरीक्षक नरेश सिंहले भने–‘‘छोराछोरी रुँदै छिमेकीको घरमा गएपछि आमाले गाली गरेको र उनलाई नै कैलाशले कुटपीट गरेछन् ।’’
रक्सी खाएर जथाभावी गर्ने भन्दै गाली गरेपछि कैलाशले आमालाई पनि बाँसको चिरपटले हिर्काएको प्रहरीले जनाएको छ । घटना लगतै फरार रहेका कैलासलाई प्रहरीले शनिबार विहान साँढे ५ बजे मानपुर स्थित नहरको बाटोमा भाग्दै गरेको अवस्थामा पक्राउ गरेको छ ।
घटना लगतै जिल्ला प्रहरी कार्यालयबाटै एकटोली कैलाशको खोजी कार्यमा खटिएको थियो । रातभर खोजीकार्य गर्दा पनि फेला नपरेपछि जिल्लाको टोली विहान साँढे ४ बजे घटनास्थल आसपासबाट फर्किएको थियो ।
कैलाशको मानसिक सन्तुलन समेत गुमेको बताईएको छ । स्थानीय गाउँमा झगडा गरेपनि उनलाई दुई–चार दिन अगाडीपनि हजरिया प्रहरी चौकीमा थुनामा राखिएको थियो । गाउँमा जोसुकै सँग झै–झगडा गर्ने र कुटपीट गरिहाल्ने स्वभावका कैलाशकी श्रीमति पनि हाल माइतिमै रहेको बताईएको छ । कैलाशको कुटपीट सहन नसकेर उनकी श्रीमति मधुवनगाउँ स्थित माईतिमै रहेको बताईएको छ ।
कैलासलाई हाल इलाका प्रहरी कार्यालय बरहथवाको नियन्त्रण्मा राखिएको छ । घटनाबारे अनुसन्धान भईरहेको प्रहरीले बतायो ।