मानव अधिकार उल्लंघनका घटनामा बृद्धी
सर्लाही समाचारदाता
लालबन्दी, पुस १६ । यसवर्ष सर्लाहीमा मानव अधिकार उल्लंघनका घटनामा बृद्धी भएको एक कार्यक्रममा जनाइएको छ ।
मानव अधिकारका क्षेत्रमा काम गरिरहेको इन्सेक सर्लाहीले दिएको जानकारी अनुसार यसवर्ष सर्लाहीमा गतवर्षको भन्दा १९ वटा बढी मानव अधिकार उल्लंघनका घटना भएका छन् ।
०६९ पौष १५ देखी ०७० पौष १५ सम्ममा जिल्लामा ७३ मानव अधिकार उल्लंघनको
घटना भएको ईन्सेक सर्लाहीका प्रतिनिधी विदुर प्यकुरेलले जानकारी दिए । जिल्लामा गतवर्ष ५ जनाको हत्या, ३ वटा बहुविवाह, ५ वटा बलात्कारको प्रयास, २ वटा बलात्कार, गैर कानुनी तवरले प्रहरीद्धारा १६ जना गिरफ्तार, प्रहरी अधिकृतद्धारा १ जना प्रहरी जवानमाथि कुटपिट लगायत घटना रहेका छन् ।
त्यस्तै अखिल तराई मुक्ति मोर्चाद्धारा नापी कार्यालयमा बम विष्फोट गराउँदा ११ जना घाईते र संविधान सभा निवार्चन क्रममा धनकौल, बलरा, रामवन र गोडैतामा विभिन्न राजनीतिक दलबिच झडप हुँदा ४७ जना घाईते भएका घटनालाई गम्भिर किसिमको मानव अधिकार उल्लंघनको घटनाको रुपमा लिईएको छ ।
No comments:
Post a Comment