सनराईजको १९ औं वार्षिकोत्सव सम्पन्न

सनराईजको १९ औं वार्षिकोत्सव सम्पन्न
सर्लाही समाचारदाता
हरिवन, पुस १३ । सनराईज उमावि हरिवनले १९औं वार्षिकोत्सवको अवसरमा शनिबार विविध कार्यक्रम गरेको छ ।
उमाविले उक्त अवसरमा अभिभावक भेला एवं विविध खेलकुद कार्यक्रम समेत गरेको छ । उमाविका सञ्चालक ज्ञानप्रसाद पोखरेलको सभापतित्व एवं जिल्ला शिक्षा कार्यालयका शाखा अधिकृत बासुदेव तिमल्सिनाको प्रमुख आतिथ्यतामा कार्यक्रम भएको थियो ।
कार्यक्रममा नेपाली सेनाको रिपुमर्दन गणका गणपति मनोज वैदवार विशेष अतिथि रहेका थिए भने हरिवन गाविस सचिव राजकुमार थापा, नेपाली कांग्रेसका वयोवृद्ध नेता बासुदेवशरण कोइराला, संचारकर्मी चूडामणि वाग्ले, अभिभावक शिवप्रसाद लुइटेल, विद्यालयका प्रिन्सिपल सुदर्शन पोखरेल लगायतले मन्तव्य राखेका थिए ।
कार्यक्रममा मार्चपास सहित विभिन्न खेलकुद प्रतियोगिता, नृत्य प्रदर्शन लगायत प्रतियोगिता भएको थियो । कार्यक्रममा महिला अभिभावकहरु बीच कुर्सी दौड प्रतियोगिता समेत गराईएको विद्यालयका प्रिन्सीपल सुदर्शन पोखरेलले बताए ।