दुर्घटनामा एक घाईते

दुर्घटनामा एक घाईते
सर्लाही समाचारदाता
नवलपुर, पुस ९ । म्याजीक भ्यान र मोटरसाईकल एकआपसमा ठक्कर खाँदा मंगलबार साँझ एकजना घाईते भएका छन् ।
पूर्वबाट पश्चिमतर्फ आउँदै गरेको ज. ३ प ८९८० नम्बरको प्लाटिना मोटरसाईकल र पश्चिमबाट पूर्वतर्फ जाँदै गरेको ना. २ च ३५०४ नम्बरको म्याजीक भ्यान पूर्व–पश्चिम राजमार्ग अन्तर्गत नवलपुर बजार नजिक एकआपसमा ठक्कर खाँदा एकजना घाईते भएका हुन् ।
मोटरसाईकलमा सवार जब्दी गाविस–७ निवासी ज्ञानचन्द चौधरी गम्भिर घाईते भएका हुन् । उनको टाउकोमा चोट लागेको छ । स्थानीय जया हेल्थ क्लिनिकमा प्राथमिक उपचार पश्चात चौधरीलाई थप उपचारका लागि साँझ नै भरतपुरतर्फ रेफर गरिएको इलाका प्रहरी कार्यालय नवलपुरले जनाएको छ । दुर्घटनामा संलग्न म्याजीक भ्यान र त्यसका चालकलाई नियन्त्रणमा राखिएको प्रहरीले जनायो ।