महिला शिक्षकको कार्यक्रम
सर्लाही समाचारदाता
लालबन्दी, पुस १३ । नेपाल शिक्षक संघ महिला विभागको आयोजनामा शनिबार लालबन्दीमा एक अन्तरक्रिया कार्यक्रम सम्पन्न भएको छ ।
अपरान्ह जनज्योती उमावि लालबन्दी परिसरमा कार्यक्रम भएको थियो । शिक्षक संघ सर्लाहीकी महिला उपाध्यक्ष विश्वलक्ष्मी उप्रेतीको सभापतित्व एवं संघकी केन्द्रीय महिला उपाध्यक्ष विष्णुदेवी पाण्डेको प्रमुख आतिथ्यतामा कार्यक्रम भएको थियो ।
बढीभन्दा बढी महिलाहरुलाई नेतृत्वमा कसरी पु¥याउन सकिन्छ भन्ने बारेमा अन्तरक्रियामा छलफल भएको थियो । कार्यक्रमको नाम नै ‘म नेतृत्व लिन सक्छु’ भन्ने रहेको थियो । कार्यक्रममा संघका सर्लाही अध्यक्ष कौशलकिशोर राय, संघका धनुषा जिल्ला अध्यक्ष मेघनाथ यादव लगायत अतिथि रहेका थिए । कार्यक्रममा संघका सर्लाही उपाध्यक्ष यमनाथ उप्रेती, सचिव मनोज कुमार शर्मा लगायतले मन्तव्य राखेका थिए ।
तारा ढुंगेलको सञ्चालन रहेको कार्यक्रममा जिल्लाका अधिकांश महिला शिक्षकहरुको उपस्थिती रहेको जिल्ला अध्यक्ष रायले बताए ।
No comments:
Post a Comment