मसानघाट पु¥याईएको शव प्रहरीले खोस्यो

मसानघाट पु¥याईएको शव प्रहरीले खोस्यो
सर्लाही समाचारदाता
कर्मैया, पुस १५ । वागमती नदी किनारमा दाहसंस्कारका लागि तयारी अवस्थामा राखिएको एक शव सोमबार राती प्रहरीले हस्तक्षेपत गरेर खोसेको छ । कर्मैया गाविस–२ का एक युवकको मृत्यु शंकास्पद देखिएको र विना खबर शव जलाउने तयारी भएको थाहा पाएपछि हस्तक्षेप गरिएको प्रहरीले जनाएको छ ।
सिन्धुलीको क्यानेश्वर क्षेत्रमा ‘पिक्निक’ गएर फर्किने क्रममा मोटरसाईकल दुर्घटनामा परी मृत्यु भएका भनिएका सुमन श्रेष्ठको शव दाहसंस्कार गर्ने क्रममा सोमबार राती प्रहरीले खोसेको हो । राती ८ बजेतिर शव पोष्टमार्टमका लागि सदरमुकाम मलंगवा पठाईएको इलाका प्रहरी कार्यालय हरिवनले जनाएको छ ।
स्थानीय बासिन्दाहरुको भनाई उदृत गर्दै प्रहरीका अनुसार सोमबार विहानै कर्मैया क्षेत्रबाट पिक्निक खान युवाहरुको एक समूह सिन्धुलीको क्यानेश्वर क्षेत्रमा गएको थियो । फर्कने क्रममा आफैले चलाएको मोटरसाईकल सडकबाट खस्दा कर्मैया गाविस–२ निवासी करिब २५ वर्षिय सुमन श्रेष्ठ घाईते भएको र हरिवन स्थिन नमूना अस्पतालमा उपचार हुँदाहुँदै उनको मृत्यु भएको जानकारी आएको प्रहरीले बताएको छ ।
स्थानीय बासिन्दा सहित पिक्निक गएका युवाहरुको समूहले सुरक्षा निकायमा खबरै नगरी श्रेष्ठको दाहसंस्कार गर्न खोज्दै गर्दा शव उठाएर सदरमुकाम मलंगवा तर्फ पठाईएको इलाका प्रहरी कार्यालय हरिवनले जनाएको छ । ना. २५ प ३७१ नम्बरको मोटरसाईकल सडकबाट धेरै तल खसेको अपुष्ट जानकारी आएको प्रहरीले जनाएको छ ।
‘‘मोटरसाईकल चलाउने मान्छे मोटरसाईकल दुर्घटनामा परि मृत्यु हुनु, पछाडी बसेका मान्छे सामान्य घाईते हुनु र दुर्घटना भएपछि प्रहरीलाई कुनै खबर नगरिनुले घटना शंकास्पद देखिएको छ ।’’ प्रहरी स्रोतले भन्यो–‘‘नियमानुसार प्रकृया पु¥याए सवारी दुर्घटनामा मृत्यु भएका परिवारले क्षतिपूर्ति पाउँछन्, तर यस घटनामा त रातारात कतै खबर नगरी दाहसंस्कार गर्ने प्रयास भएको छ ।’’ मोटरसाईकलको पछाडी बस्ने स्थानीय इश्वर श्रेष्ठ रहेको र उनी सामान्य घाईते भएको अपुष्ट जानकारी आएपनि विस्तृतमा केही थाहा हुन नसकेको प्रहरीले जनाएको छ ।
प्रहरी स्रोतका अनुसार दुर्घटनामा घाईते भई मृत्यु भएका भनिएका श्रेष्ठलाई एमाओवादी नेता भरत थापाको जीप लगेर घटनास्थलबाट नमूना अस्पतालसम्म र अस्पतालबाट मृतकको घर पु¥याईएको थियो । मृतकका आफन्तमा रुवाबासी बढेकाले हतारमा दाहसंस्कार गरिएको स्थानीय गाउँलेहरुले बताएको प्रहरी स्रोतले जनाएको छ । थापाकै जीपमा शव सदरमुकाम मलंगवातर्फ पठाईएको प्रहरीले जनाएको छ ।
प्रहरी नायव उपरीक्षक सन्तोष भट्टराईले सिन्धुली जिल्लाको क्यानेश्वरमा पिक्नीक खाएर फर्किने क्रममा मोटरसाईकल दुर्घटनामा मृत्यु भएको भन्ने प्रारम्भिक जानकारी बाहेक विस्तृतमा थाहा हुन नसकेको बताए । मंगलबार विहान घटनास्थलतर्फ अनुसन्धानका लागि टोली जाने प्रहरीले जनाएको छ । दुर्घटना भएको भनिएको मोटरसाईकलको पछाडी बस्ने श्रेष्ठको खोजी भईरहेको र पिक्नीकमा को–को गएको भन्ने कुरा विस्तृतमा थाहा हुन नसकेको प्रहरीले जनाएको छ ।