यस्तो छ राष्ट्रिय अध्यक्षहरुको खर्च विवरण

यस्तो छ राष्ट्रिय अध्यक्षहरुको खर्च विवरण 

टंकबहादुर क्षेत्री÷सर्लाही दैनिक
मलंगवा, पुस ८ । संविधान सभा सदस्यको निर्वाचन २०७० मा सर्लाहीबाट भाग लिएका प्रत्यक्षतर्फका उम्मेद्वारहरुले आचार संहिता अनुसार आ–आÇनो खर्च विवरण बुझाउने क्रम जारी छ । सोमबारसम्म ३९ जना उम्मेद्वारहरुले आ–आÇनो निर्वाचन खर्च विवरण पेश गरेको जिल्ला निर्वाचन कार्यालयले जनाएको छ । हालसम्म नेकपा एमालेका राष्ट्रिय अध्यक्ष झलनाथ खनाल, तराई मधेश लोकतान्त्रिक पार्टीका राष्ट्रिय अध्यक्ष महन्थ ठाकुर र सद्भावना पार्टीका राष्ट्रिय अध्यक्ष राजेन्द्र महतो सहित ३९ जनाले खर्च विवरण बुझाएका छन् । निर्वाचनताका राष्ट्रिय अध्यक्षहरुले उम्मेद्वारी दिएको क्षेत्रमा करोडौंको चलखेल भएको चर्चा चलेपनि निर्वाचन कार्यालयमा उनीहरुले पेश गरेको खर्च विवरणमा भने १० लाखभन्दा कम उल्लेख छ । सर्लाहीबाटै उम्मेद्वारी दिई निर्वाचित समेत भएका तराई मधेश सद्भावना पार्टीका राष्ट्रिय अध्यक्ष महेन्द्र राय यादवले भने सोमबारसम्म खर्च विवरण बुझाएका छैनन् । आचार संहिता अनुसार निर्वाचनको मत परिणाम घोषणा भएको ३५ दिन भित्र उम्मेद्वारहरुले निर्वाचनमा भएका खर्च विवरण पेश गर्नुपर्ने हुन्छ । जसअनुसार सर्लाहीमा आगामी पुस १४ गते आइतबार खर्च विवरण पेश गर्ने अन्तिम म्याद हो । खर्च विवरण पेश गर्नका लागि उम्मेद्वारहरु आउने क्रम चलिरहेको जिल्ला निर्वाचन कार्यालयले जनाएको छ ।
जिल्ला निर्वाचन कार्यालयमा जिल्ला स्थित ६ वटै निर्वाचन क्षेत्रबाट विजयी उम्मेद्वारहरु मध्ये क्षेत्र नं. ३ का हरि उप्रेती, क्षेत्र नं. ५ का जंगीलाल राय र क्षेत्र नं. ६ का डा. अमरेशकुमार सिंहले मात्र खर्च विवरण पेश गरेका छन् भने क्षेत्र नं. १ का शम्भुलाल श्रेष्ठ, २ का रामचन्द्र चौधरी र ४ बाट विजयी भएका महेन्द्र राय यादवले सोमबारसम्म खर्च विवरण बुझाएका छैनन् ।
क्षेत्र न.ं १ का नेकपा एमालेका राष्ट्रिय अध्यक्ष झलनाथ खनालको ९ लाख ९६ हजार, क्षेत्र नं. ६ का तराई मधेश लोकतान्त्रिक पार्टीका राष्ट्रिय अध्यक्ष महन्थ ठाकुरको ८ लाख ५१ हजार, क्षेत्र नं. ४ का सद्भावना पार्टीका राष्ट्रिय अध्यक्ष राजेन्द्र महतोको ९ लाख ७५ हजार ४ सय खर्च विवरण पेश भएको छ । एमाले अध्यक्ष खनालको गत बुधबार एमाले सर्लाहीका नेता गोविन्द अधिकारीमार्फत, तमलोपा अध्यक्ष ठाकुरको गत मंसिर १३ गते सोही पार्टीका केन्द्रीय प्रतिनिधि केदारनन्दन् चौधरीले र सद्भावना अध्यक्ष महतोको गत मंसिर १७ गते सद्भावनाका सर्लाही नेता नागेश्वर महतोले खर्च विवरण पेश गरेका हुन् ।
त्यस्तै क्षेत्र नं. ३ मा विजयी हरि उप्रेतीले गत मंसिर ३० गते ९ लाख ९६ हजार १ सय २५, क्षेत्र नं. ५ मा विजयी जंगीलाल रायले गत मंसिर १६ गते ९ लाख ९३ हजार र क्षेत्र नं. ६ मा विजयी डा. सिंहले गत पुस ३ गते बुधबार ९ लाख ४४ हजार १ सय ९७ रुपंैया खर्च भएको विवरण जिल्ला निर्वाचन कार्यालयमा पेश गरेका छन् । त्यस्तै सद्भावनाका क्षेत्र नं. ५ का प्रमोद साहले ८ लाख ३१ हजार, कांग्रेसकी शुशिला कार्कीले ९ लाख ९५ हजार, तमसपाकी किरणकुमारी रायले ९ लाख ८७ हजार ५ सय ५०, एमाओवादीका क्षेत्र नं. ३ का भरतकुमार थापाले ४ लाख ५० हजार १ सय, तमसपाका क्षेत्र नं. ६ का शिवपुजन रायले ८ लाख ५१ हजार, कांग्रेस सर्लाहीका सभापति एवं क्षेत्र नं. ४ का उम्मेद्वार लक्ष्मण रायले ३ लाख १३ हजार ५ सय, सद्भावनाका क्षेत्र नं. १ का रुपनारायण सिंहले ८ लाख ९७ हजार १ सय ७५ रुपैंया खर्च भएको विवरण पेश गरेका छन् । त्यस्तै चुरे भावर लोकतान्त्रिक पार्टीबाट क्षेत्र नं. ३ बाट खडा भएकी संगीता वाग्लेले ८ लाख ३४ हजार १ सय ६५, तमलोपाका क्षेत्र नं. २ का विनयकुमार कर्णले ७ लाख ९९ हजार १ सय, कांग्रेसकी क्षेत्र नं. ३ की मिना पाण्डेले ८ लाख ९९ हजार, राप्रपा नेपालका क्षेत्र नं. ४ का इस्लाम मन्सुरीले ९ लाख ४० हजार, एमालेका क्षेत्र नं. २ का सुरेन्द्र लामाले ९ लाख ९६ हजार १ सय खर्च विवरण पेश गरेका छन् । संविधान सभा निर्वाचन २०७० को आचार संहितामा प्रत्यक्षतर्फका उम्मेद्वारले अधिकतम १० लाख रुपैंया खर्च गर्न पाउने व्यवस्था रहेको छ । तर जिल्ला स्थित कतिपय उम्मेद्वारहरुले करोडौं खर्च गरेको समेत चर्चामा आएको छ ।