कर्मैयाका युवकको मृत्यु दुर्घटनाबाटै

कर्मैयाका युवकको मृत्यु दुर्घटनाबाटै
सर्लाही समाचारदाता
कर्मैया, पुस १६ । शंकास्पद मृत्युको आशंकामा वागमति नदि किनारबाट सोमबार राती प्रहरीले नियन्त्रणमा लिएका युवकको शव दुर्घटनामै मृत्यु भएको खुलेको छ ।
सिन्धुलीको क्यानेश्वर क्षेत्रमा ‘पिक्निक’ गएर फर्किने क्रममा मोटरसाईकल दुर्घटनामा परी मृत्यु भएको खुलेको प्रहरीले जनाएको छ । कर्मैया गाविस–२ निवासी सुमन श्रेष्ठको शव दाहसंस्कार गर्ने क्रममा सोमबार राती प्रहरीले वागमति नदी किनारबाटै उठाएर सदरमुकाम मलंगवा पठाएको थियो । उक्त मृत्यु शंकास्पद देखिएपछि राती ८ बजेतिर शव पोष्टमार्टमका लागि सदरमुकाम मलंगवा पठाईएको प्रहरीले जनाएको छ । प्रहरीको एक टोलीले मंगलबार विहान घटनास्थल पुगेर प्रतिवेदन बनाएको थियो । घटनाबारे थप अनुसन्धानका लागि सर्लाही प्रहरीले कर्मैया गाविस–४ बस्ने अच्युत प्रसाई, किस्मत मैनाली, नवराज रिजाल, इश्वर श्रेष्ठ र राजु लामालाई मंगलबार विहानै जिल्ला प्रहरी कार्यालय सिन्धुली पठाएको छ ।
फर्कने क्रममा ना. २५ प ३७१ नम्बरको पल्सर मोटरसाईकल चलाईरहेको अवस्थामा कर्मैया गाविस–२ निवासी करिब २५ वर्षिय सुमन श्रेष्ठ दुर्घटनामा परेका थिए । पछाडी बसेका ईश्वर श्रेष्ठ र मोटरसाईकल सडकमै रहेपनि चालक श्रेष्ठ भने सडकबाट तल खसेको पिक्नीक खान गएका व्यक्तिहरुको वयानबाट खुलेको प्रहरीले जनाएको छ । दुर्घटनामा घाईते भएपछि श्रेष्ठलाई हरिवन स्थिन नमूना अस्पतालमा ल्याईएको र त्यहाँ उपचार हुँदाहुँदै उनको मृत्यु भएको थियो ।
जिल्ला प्रहरी कार्यालयका प्रवक्ता पृथ्वीनारायण ओलीले पोष्टमार्टम रिपोर्ट लगायतका कागजातहरु एकदुईदिन भित्रै सिन्धुली प्रहरीसमक्ष पठाईने बताए । नियमानुसार प्रकृया पु¥याए सवारी दुर्घटनामा मृत्यु भएका परिवारले विमाबाट क्षतिपूर्ति पाउन सक्ने भएकाले मसानघाटमा पु¥याईएको शव नियन्त्रणमा लिएर प्रकृयामा लगिएको प्रहरीले जनाएको छ । प्रहरी स्रोतका अनुसार दुर्घटनामा घाईते भएका श्रेष्ठलाई एमाओवादी नेता भरत थापाको जीप लगेर घटनास्थलबाट नमूना अस्पतालसम्म र अस्पतालबाट मृतकको घर पु¥याईएको थियो । केही महिनाअघि मात्र विवाह गरेका मृतक श्रेष्ठ स्काभेटर चालक रहेको प्रहरीले जनाएको छ ।