सेनाको गण सर्दै

सेनाको गण सर्दै
सर्लाही समाचारदाता
नवलपुर पुस ११ । नेपाली सेनाको रिपुमर्दन गण साविकको स्थानबाट केही दिनभित्रै सर्ने भएको छ ।
नवलपुर चोक स्थित तेलबाली अनुसन्धान केन्द्रको भवनमा रहेको सेनाको गण नेत्रगंज गाविस–१ स्थित पाँचकुमारीमा सर्न लागेको हो । ‘‘यो साताभित्र पूर्ण रुपमा सरिसक्छौं ।’’ गणपति मनोज वैदवारले भने–‘‘धेरैजसो सरिसके म लगायत केही अधिकृतहरुको सामान मात्र सार्न बाँकी छ ।’’ टेलिफोन लाईनको व्यवस्था मिलाउने लगायत कामका कारण केही ढिलाई भएको समेत उनले बताए ।
सेनाले गणको स्थायी संरचना निर्माणका लागि केही वर्षअघि नै पाँचकुमारीमा जग्गा किनेर भवनहरु बनाउन थालेको थियो । तत्कालिन नेकपा माओवादी र राज्यपक्षबीचको द्वन्द्वका क्रममा नवलपुरमा सेनाको गुल्म स्थापना भएको थियो । सेनाले केही वर्षपछि गुल्मलाई नै गणमा परिणत गरेको थियो ।