पैसा माग्दै पुत्ला दहन

पैसा माग्दै पुत्ला दहन
सर्लाही समाचारदाता
लालबन्दी, पुष १ । जनज्योती उमावि अन्तर्गतको प्राविधिक शिक्षालयका विद्यार्थीहरुले सोमबार विहान पुत्ला दहन गरेका छन् ।
शैक्षिक भ्रमणमा जानका लागि शिक्षालयले सहयोग रकम नदिएको भन्दै विद्यार्थीहरुले पुत्ला दहन गरेको बताईएको छ । शिक्षालयका संयोजक संजिव पाण्डे, व्यवस्थापन समितिका अध्यक्ष रामचन्द्र ठाडा मगर र विद्यालयका प्रधानाध्यापक चन्द्र नारायण सिंहको पुत्ला बनाई, दिहन गरेका हुन् । प्राविधिक ओभरसियर तेस्रो कक्षामा अध्ययनरत विद्यार्थीहरुले विद्यालय नजिकै विहान सो विरोध गरेका हुन् ।
यस अघि पनि शैक्षिक भ्रमणका लागि विद्यालय प्रशासनले रकम दिन नसक्ने बताएपछि विद्यार्थीहरु आन्दोलित भई पठन पाठन अवरुद्ध गरेका थिए ।