बरहथवामा विद्युत अबरुद्ध

बरहथवामा विद्युत अबरुद्ध
सर्लाही समाचारदाता
बरहथवा, पुस ७ ।  बरहथवामा शनिबारदेखि विद्युत् सेवा अबरुद्ध भएको छ । नवलपुर–मलंगवा सडक दायाँबायाँका बिजुलीका पोल हटाउने काम भईरहेकाले बरहथवा फिडरमा विद्युत बन्द भएको विद्युत प्राधिकरण मलंगवा शाखाले जनाएको छ ।
उक्त सडक विस्तारका लागि हाल गैरबजारदेखि मलंगवासम्म सडकका दायाँ बायाँका पोल सडकको बीच भागबाट १५ मिटर पर सार्ने काम भईरहेको हो । आइतवार दिनभर बरहथवा फिडर अन्तर्गतका गाविसहरुमा तालिका बमोजिम विद्युत् सञ्चालन गर्न नसकिने प्राधिकरणले जानकारी दिएको छ । आउँदो शनिबार साँझसम्म विद्युत् नियमित गर्ने गरी मर्मत कार्य भईरहेको जनाईएको छ ।