हरिवनको प्रहरीलाई दुईकरोडको भवन बन्ने

हरिवनको प्रहरीलाई दुईकरोडको भवन बन्ने
सर्लाही समाचारदाता
हरिवन, पुस ११ । इलाका प्रहरी कार्यालय हरिवनका लागि झण्डै दुईकरोडा हाराहारीको सुविधा सम्पन्न नयाँ भवन बन्ने भएको छ ।
भवन निर्माणका लागि प्रहरी प्रधान कार्यालयले टेण्डर आव्हान गरेको छ । भ्याट बाहेक १ करोड ९३ लाख ३९ हजार ८ सय १३ रुपैयाको लगत इष्टमेट अनुसार टेण्डर आव्हान भएको इलाका प्रहरी कार्यालय हरिवनले जनाएको छ ।
गत असोज १४ गते पहिलो पटक टेण्डर आव्हान भएकामा दुईवटा मात्र टेण्डर परेको र त्यो पनि रितपूर्वक नआएकाले पूनः दोस्रो पटक गत मंसिर १८ गते टेण्डर आव्हानको सूचना प्रकाशित भएको छ । हरिवन गाविस–९ स्थित नमूना अस्पताल नजिक रहेको जग्गामा भवन बनाउने प्रकृया सुरु भएको हो । त्यहाँ इलाका प्रहरी कार्यालय हरिवनको नाममा ७ कठ्ठा जग्गा रहेको छ ।
नेपाल सरकारको आÇनै स्रोतबाट भवन निर्माण हुन लागेको इलाका प्रहरी कार्यालय हरिवनले जनाएको छ । इलाका प्रहरी कार्यालय हरिवन २०६४ सालदेखि अर्काको घरमा भाडामा सञ्चालन हुँदै आएको छ । भाडाको घरमा बस्नुपर्दा त्यहाँ कार्यरत सुरक्षाकर्मीले कठिनाई व्यहोर्दै आएका छन् । कार्यालय, व्यारेक (सुत्ने÷बस्ने ठाउँ) र मेस (खाना खाने ठाउँ) गरी तीनवटा ठूला भवनहरु बन्ने बताईएको छ ।
नयाँ भवनमा महिला र पुरुषका लागि छुट्टाछुट्टै थुनूवा कोठाहरु समेत बन्नेछन् । हाल इलाका प्रहरी कार्यालय बसेको भवनमा सुरक्षाकर्मी मात्रै हैन थुनूवा राख्ने कोठा समेत उपयुक्त नभएको गुनासो आईरहेको छ । सुरक्षाको हिसावले कार्यालयको संरचना कमजोर देखिँदा केही समय अगाडी थूनामा राखेका एक थुनूवाले आत्महत्या गर्न सफल भएका थिए ।
हाल इलाका प्रहरी कार्यालय बसेको भवन जीर्ण हुँदा त्यहाँ बस्ने सुरक्षकर्मीलाई समस्या हुँदै आएको छ । भवन जीर्ण र काम गर्न समेत समस्या हुँदा त्यहाँबाट मुद्धा चल्ने लगायत कामहरु गर्न समस्या बन्दै आएको छ । प्रहरी उपरीक्षक रविन्द्रबहादुर धानुकले इलाका प्रहरी कार्यालय हरिवनको नयाँ भवन निर्माणका लागि टेण्डर आव्हानको प्रकृया सुरु भएको बताए ।
निकट भविष्यमा प्रहरी नायव उपरीक्षक (डिएसपी) कै दरबन्दी कायम हुनसक्ने सम्भावना भएकाले अन्य इलाका प्रहरी कार्यालयको तुलनामा हरिवनमा बढी बजेट लागतमा केही ठुलो भवन बन्न लागेको प्रहरी स्रोतले बतायो । डिएसपीको दरबन्दी कायम भएपछि सुरक्षाकर्मीहरुको संख्या बढी हुने भएको र जिम्मेवारी समेत बढ्ने भएकाले सोही अनुसारभवन निर्माणको प्रकृया सुरु भएको बताईएको छ ।