काठ व्यवसायीबाट विद्युत अवरुद्ध

काठ व्यवसायीबाट विद्युत अवरुद्ध
सर्लाही समाचारदाता
हरिवन, पुस ९ । स्थानीय काठ व्यवसायी हरि शिवाकोटीले रुख कटाउने क्रममा हरिवन गाविस–६ मा आधा दर्जन विद्युत पोल भाच्चिएको छ ।
२–३ सय मिटर क्षेत्रफलमा ४ वटा विद्युत पोल भाँच्चिएपछि सो क्षेत्रमा विद्युत अवरुद्ध भएको प्रहरीले जनाएको छ । अपरान्ह साँढे १२ बजेतिर शिवाकोटीले रुख कटाउने क्रममा विद्युत पोल भाँच्चिएको प्रहरीले जनाएको छ ।
घटना लगतै फरार रहेका शिवाकोटीलाई इलाका प्रहरी कार्यालय बरहथवाले साँझ पक्राउ गरेको छ । प्रहरी स्रोतका अनुसार उनलाई बुधबार विहान ८ बजे इलाका प्रहरी कार्यालय हरिवनमा उपस्थिती हुने शर्तमा साँझ छाडिएको छ । शिवाकोटीको स्थानीय सः मिल समेत रहेको छ ।