हरिवनमा सन्त समागम

सर्लाही समाचारदाता
हरिवन, चैत १६ ।  हरिवनमा आइतवार  सन्त समागम सम्पन्न भएको छ । नेपाल मानव धर्मसेवा समिति जनकपुरको आयोजनामा केन्द्रीय स्तरको महान सन्त समागम सम्पन्न भएको हो ।
नेपाल मानव धर्मका प्रणेता परमपुज्य सदगुरुदेव श्री सतपाल जी महाराजको आत्मानुरागी पुजनीय सन्तमहात्मा ज्यूहरुबाट प्रवचन प्रस्तुत गरिएको थियो । प्रवचन दिन भारत तथा काठमाण्डौ, पोखरा, इटहरी, हेटौडा, वीरगंज लगायत स्थानहरुबाट सन्तमहात्माहरु आएका आयोजकले जनाएको छ ।
मूलुकका विभिन्न स्थानमा प्रचार–प्रसारको क्रममा जनकपुरमा दुई दिवशीय प्रवचन सकेर  हरिवनमा प्रवचन सम्पन्न गरिएको हो । प्रवचनाको अध्यक्षता समितिका केन्द्रीय प्रभारी पुजनीय पुनित बाईजीले गरेका थिए भने महात्मा सज्जन बाईजी प्रमुख अतिथी रहेका थिए ।