सर्लाही समाचारदाता
लालबन्दी, चैत्र १० । निजी तथा आवासीय विद्यालय अर्गनाइजेशन (प्याब्सन) सर्लाहीको बैठक लालबन्दीमा सोमबार सम्पन्न भएको छ ।
प्याब्सन सर्लाहीका अध्यक्ष गोपाल पञ्जियारको सभापतित्व एवं राष्ट्रिय उपाध्यक्ष आशिष श्रेष्ठको प्रमुख आतिथ्यतामा बैठक सम्पन्न भएको हो । प्याब्सनको क्षेत्रीय समिति गठन तयारीका लागि बैठकमा छलफल भएको बताइएको छ ।
राष्ट्रिय उपाध्यक्ष धनुषा, महोत्तरी लगायत जिल्लाहरुमा छलफल सकेर सर्लाही आइपुगेको अवसरमा बैठक बसेको हो । बैठकमा निजी तथा आवासीय विद्यालयहरुको शुल्क निर्धारण, बुक लिष्ट लगायत बारेमा समेत छलफल भएको थियो । केही दिनभित्रै हुने क्षेत्रीय समिति चयनका क्रममा शुल्क र बुक लिष्टका बारेमा निर्धारण गर्ने बैठकले निर्णय गरेको प्याब्सन सर्लाहीका सल्लाहकार मनोज थापाले बताए ।
No comments:
Post a Comment