एकलाखको माछा मरे

एकलाखको माछा मरे
सर्लाही समाचारदाता
जानकीनगर, चैत १२ । जानकीनगर गाविस–२ मा रहेको एक पोखरीमा मंगलबार राती अज्ञात व्यक्तिले विष हालेपछि एक लाख बराबरको माछा मरेको छ ।
हरीहर मावी जानकीनगरको नाममा रहको पोखरीमा अपरिचित व्यक्तिले विष हालिदिएपछि पोखरी भित्र रहेका माछाहरु मरेका हुन् । ठेक्का मार्फत पोखरिमा माछा हालेको भएपनि अपरिचित व्यक्तिले विष हालेर माछा मरेपछि स्थानीय चिन्तित भएका छन् । विष हालेपछि पोखरी भित्र रहका सयौँ साना ठुला माछा मरेका जानकीनगरका स्थानीयले बताएका छन् ।