माईक्रोबस दुर्घटनामा दुई जना घाईते

सर्लाही समाचारदाता
मूर्तिया, चैत १२ । नयाँरोड–बरहथवा सडकखण्ड अन्तर्गत मुर्तियामा बुधबार भएको माइक्रोबस दुर्घटनामा दुईजना घाइते भएका छन् ।
मूर्तिया गाविस–३ सोल्टी मोडमा बुधबार बिहान माईक्रोबस दुर्घटना हुँदा दुई जना घाईते भएका हुन् । बरहथवाबाट नयाँरोड तर्फ आउँदै गरेको बा. १ ज ६५९८ नम्वरको माईक्रोबसको स्टेरिङ लक भएर दुर्घटना भएको हो । दुर्घटनामा परी मकवानपुर कमानेभोर्ले गाविस–६ की २० वर्षीय वीणा थिङ् र सोही ठाउँ निवासी १८ वर्षकी सुजिता गोले घाईते भएका ईलाका प्रहरी कार्यालय मुर्तियाले जनाएको छ । उनीहरुको हरिवन अस्पतालमा उपचार भैरहेको छ । दुर्घटनापछि माईक्रोबसका चालकलाई प्रहरीको नियन्त्रणमा राखिएको छ । स्टेरिङ् लक भएका कारण एक्कासी माईक्रो पल्टिएको प्रत्यक्षदर्शीहरुको भनाई छ ।