दुर्घटनामा एकको मृत्यु, सात घाइते

सर्लाही समाचारदाता
कर्मैया, चैत १४ । भारतीय नम्बरको छुवा बोक्ने ट्यांकरको ठक्करबाट ढुंग्रेखोला निवासी एक वृद्धको मृत्यु भएको छ ।
ध्द्य घढ(ठद्दठज्ञ नम्बरको ट्यांकरको ठक्करबाट ढुंग्रेखोला गाविस–४ निवासी ७० वर्षिय रामबहादुर भुजेलको मृत्यु भएको हो । विहिबार राती ७ बजे पूर्वबाट पश्चिमतर्फ आइरहेको सो ट्यांकरले ठक्कर दिएपछि उपचारको लागि वीरगंजतर्फ लैजादै गर्दा भुजेलको बाटैमा मृत्यु भएको जिल्ला ट्राफिक प्रहरी कार्यालयले जनाएको छ । ठक्कर दिने ट्यांकर र त्यसका चालकलाई नियन्त्रणमा लिएर कार्वाही प्रकृया अगाडी बढाइएको प्रहरीले जनाएको छ । उक्त ट्यांकरलाई इलाका प्रहरी कार्यालय कर्मैयाको टोलीले नियन्त्रणमा लिएर हरिवन प्रहरीको जिम्मा लगाएको थियो ।
त्यसैगरी पूर्व–पश्चिम राजमार्ग अन्तर्गत फूलजोरमा शुक्रबार विहान यात्रुबस पल्टदा सातजना घाइते भएका छन् ।
जनकपुरबाट वीरगंजतर्फ आइरहेको ना. ४ ख ५९२४ नम्बरको यात्रुबस विहान सबा ११ बजे पल्टँदा सातजना यात्र घाइते भएको जिल्ला ट्राफिक प्रहरी कार्यालयले जनाएको छ । दुर्घटनामा परि सिन्धुपाल्चोक घर भई जिल्ला प्रहरी कार्यालय सर्लाहीमा कार्यरत प्रहरी हबल्दार यादव खड्का गम्भिर घाइते भएका छन् । उनलाई उपचारका लागि वीरगंजतर्फ लगिएको ट्राफिक प्रहरीले जनाएको छ ।
त्यस्तै दुर्घटनामा परि जनकपुरका हरिनारायण चौधरी, सकिल अहमद्, सप्तरीका अम्बेश कुमार सिंह, सर्लाहीका राजन कार्की, धनुषा शान्तिपुरका छवी लामा र रौतहटका कर्ण सहनी सामान्य घाइते भएका छन् । उनीहरुको स्थानीय स्वास्थ्य केन्द्रहरुमा उपचार भएको छ । दुर्घटनाग्रस्त बसका चालकलाई प्रहरीले नियन्त्रणमा लिएको ट्राफिक प्रहरीले जनाएको छ ।