युवा संघको बैठक सम्पन्न

युवा संघको बैठक सम्पन्न
सर्लाही समाचारदाता
हरिवन, चैत ११ । नेकपा एमाले समर्थित युवा संघ नेपाल सर्लाहीको नवनिवार्चित कार्य समितिको मंगलबार हरिवनमा पहिलो बैठक सम्पन्न भएको छ ।
एमालेका जिल्ला अध्यक्ष मनोज देवकोटाको प्रमुख आतिथ्यतामा भएको बैठकले सर्लाहीको ६ वटै क्षेत्रमा ईन्चार्ज तोकिएको छ । बैठकले युवा संघ सर्लाहीका अध्यक्ष रमेश चौँलागाईको संयोजकत्वमा २१ सदस्यीय जिल्ला सचिवालय समिति सदस्य गठन गरेको छ । त्यस्तै संगठन, प्रचार, महिला लगायत समिति पनि गठन गरिएको युवा संघ सर्लाहीले जनाएको छ । युवा संघ नेपालको केहि साता पहिला हरिवनमा भएको जिल्ला अधिवेशनले नयाँ नेतृत्व चयन गरेको थियो ।