एसएलसीमा ८५ परीक्षार्थी नष्काशित
सर्लाही समाचारदाता
मलंगवा, चैत ०९ । एसएलसी (प्रवेशिका) परीक्षा–२०७० अन्तर्गत आइतबार तेस्रो दिनको परीक्षासम्म ८५ जना परीक्षार्थी तथा ६ जना निरीक्षक (गार्ड) कार्वाहीमा परेका छन् ।
अमर्यादित एवं अनियमित क्रियाकलाप गर्ने परीक्षार्थी एवं निरीक्षकलाई निष्काशन गरिएको हो । तेस्रो दिन आइतबार अनिवार्य गणित विषयका परीक्षाका क्रममा २३ जना परीक्षार्थीलाई निष्कासन गरिएको छ । शुक्रबार दोस्रो दिन नेपाली विषयको परीक्षाका क्रममा तीनजना निरीक्षक (गार्ड) र २३ जना परीक्षार्थी निष्काशित भएका छन् । श्रीमति माइरानी मिक्चन मावि सासापुर केन्द्रबाट १३, महेन्द्र आदर्श मावी कर्मैयाबाट चार, जनता उमावी रामवन केन्द्रबाट तीन, चतुर्भूजेश्वर जनता उमावी सुकेपोखरी केन्द्रबाट दुई र उमावी गोडैता केन्द्रबाट एकजना परीक्षार्थीलाई निष्काशन गरिएको जिल्ला शिक्षा कार्यालयले जनाएको छ ।
त्यस्तै अमर्यादित गतिविधि गरेको आरोपमा अनुगमन समितिले उमावि बरहथवा परीक्षा केन्द्रबाट एक निरीक्षकलाई सोमबारबाट काममा नआउने गरि निष्काशन गरिएको छ । सासापुर, सुखेपोखरी र कर्मैयामा प्रमुख जिल्ला अधिकारी दिनेशकुमार घिमिरेको टोलीले साथमा ‘चिट’ फेला परेका परीक्षार्थीहरुलाई निष्कासन गरेको हो ।
परीक्षाको पहिलो दिन विभिन्न केन्द्रबाट ४८ जना परीक्षार्थी एवं दुईजना निरीक्षक तथा दोस्रो दिन १४ जना परीक्षार्थी एवं एकजना निरीक्षक निष्काशनमा परेका थिए । परीक्षा केन्द्र भित्र एवं बाहिर अमर्यादित एवं अनियमित क्रियाक्लाप गर्ने निरीक्षक, परीक्षार्थी र अन्य सर्वसाधारणलाई तुरुन्त कार्वाही गरिने प्रअिज घिमिरेले बताए ।
No comments:
Post a Comment