मोटरसाईकलको ठक्करबाट घाईते

मोटरसाईकलको ठक्करबाट घाईते
सर्लाही समाचारदाता
नवलपुर, चैत १० ।   पूर्व पश्चिम राजमार्ग अन्तर्गत नेत्रगंजमा स्थित उष्ण प्रदेशिय बागवानी केन्द्र नजिक मोटरसाईकले  ठक्कर दिँदा दुई जना घाईते भएका छन् । नवलपुरबाट आउँदै गरेको साईकललाई सोही दिशाबाट आईरहेको बा ३८ प ७२८८ नम्वरको मोटसाईकले ठक्कर दिएपछि दुर्घटना भएको हो ।
दुर्घटनामा परि मोटरसाईकल चालक खोटाङ् च्यानडाँडा ४ का ३० वर्षिय नवीन गुरुङ र साईकलमा सवार  भक्तिपुर ९ मियाखोर ९ बस्ने ५२ वर्षीय भोला खड्का घाईते भएका ईलाका प्रहरी कार्यालय नवलपुरका प्रहरी नायव निरीक्षक सन्दीप कुमार दुलालले जानकारी दिए ।
घाईते दुवैको लालबन्दी स्थित मोडल अस्पतालमा उपचार गरिएको प्रहरीले जनाएको छ  । घाईते साईकल चालक खडकको टाउकोमा गम्भिर चोट लागेकाले ६ वटा टाका लगाईएको छ भने मोटरसाईकल चालक गुरुङ्को खुट्टामा चोट लागेको छ ।